नेपाल राष्ट्र बैंकले एनएमबिलाई हेजिङ लागत बाहेक साढे पाँच प्रतिशतभन्दा कम ब्याजदरमा १५ मिलियन अमेरेकी डलर ऋण ल्याउन स्वीकृती दिएको हो । जुन नेपाली डेढ अर्ब रुपैयाँ हुन आउँछ । राष्ट्र बैंकबाट स्वीकृति पाएकाे सो रकम एक साताभित्रै प्राप्त हुने बैंकले जनाएको छ ।
आर्इएफसी मार्फत लिएको ऋण एनएमबि बैंकले भौतिक पूर्वाधारका क्षेत्रहरु सडक, पुल, सुरुङमार्ग, विमानस्थल, केवलकार र जलविद्युत उत्पादन तथा प्रसारण लाइन निमार्णका लागि लगानी गर्न पाउनेछ । बैंकले यो रकम पर्यटन तथा कृषि क्षेत्रमा पनि लगानी गर्नसक्ने व्यवस्था छ ।
बजारमा देखिएको तरलताको अवस्थालाई सहज बनाउनका लागि नेपाल राष्ट्र बैंकले बाणिज्य बैंकहरुको प्राथमिक पूँजीको २५ प्रतिशतसम्म विदेशी मुद्रामा ऋण ल्याउन पाउने व्यवस्था गरेको थियो ।
तरलता अभाावलाई सम्बोधन गर्नका लागि अन्य बैंकहरु एनआईसी एशिया, नेपाल इन्भेष्टमेन्ट बैंक, सनराईज बैंक, ग्लोबल आईएमई बैंक, र सानिमा बैंक लगायत अन्य बाणिज्य बैंक पनि वैदेशीक ऋण ल्याउनका लागि राष्ट्र बैंकमा अनुमतिको पर्खाइमा रहेका छन् ।
सम्बन्धित समाचारहरू:-
