लघुवित्तले गत असार मसान्तसम्ममा २ करोड ५९ लाख रुपैयाँ खुद नाफा गरेको छ । जुन अघिल्लो बर्षको यसै अवधिको तुलनामा १६.२६ प्रतिशत बढी हो । अघिल्लो बर्ष लघुवित्तले २ करोड २३ लाख नाफा गरेको थियो ।
अघिल्लो बर्षको भन्दा १४.२९ प्रतिशतले चुक्ता पूँजी बढाएको कम्पनीले सोही अनुपातमा कमाई बढाएरु प्रतिशेयर आम्दानी सन्तुलनमा राखेको छ । जसको प्रतिशेयर आम्दानी २५.९९ रुपैयाँ छ ।
दश करोड रुपैयाँ चुक्ता पूँजी रहेको कम्पनीले जगेडा कोषमा ५ करोड ७३ लाख रुपैयाँ राखेको छ । ५८ करोड ९४ लाख रुपैयाँ निक्षेप संकलन गरेर एक अर्ब २० करोड कर्जा प्रवाह गरेको छ । साथै उसले ४९ करोड बराबर सापट लिएको छ ।
कम्पनीको निक्षेप संकलन, कर्जा विस्तार लगायतमा बढोत्तरी छ । कम्पनीले प्रकाशित गरेको बित्तीय विवरण अनुसार प्राय सबै बित्तीय सूचकहरु सकारात्मक देखिएका छन् । बढ्दो ब्याज दरको मारमा परेर पनि ब्याज आम्दानी बढाउन सक्नु र संचालन खर्च नियन्त्रणमा राख्न सक्नु कम्पनीका राम्रा पक्ष हुन ।
तर कम्पनीको खराब कर्जा भने केही बढेको छ । उसले प्रोभिजनमा एक करोड ७८ लाख राखेको छ । लघुवित्तको खराब कर्जा १.६४ प्रतिशत छ ।
मेरोलगानीको डाटा एनालिटिक्सले गरेको फोरकाष्टसँग कालिकाको वित्तीय विबरण मिल्दो जुल्दो देखिएको छ ।