ग्लोबल आईएमई लघुवित्तले पूँजीको अनुपातमा नाफा बढाउन नसक्दा इपिएस घट्यो

Jul 25, 2018 Merolagani

ग्लोबल आईएमई लघुवित्तको गत आर्थिक बर्षमा चुक्ता पूँजी वृद्धिको अनुपातमा नाफा बढाउन नसक्दा प्रतिसेयर आम्दानी खुम्चिएको छ । ५० प्रतिशत हकप्रद र २० प्रतिशत बोनस बाँडेर ७० प्रतिशतले पूँजी बढाएको कम्पनीको इपिएस ३ रुपैयाँ ४६ पैसाले घटेको हो ।

अघिल्लो आर्थिक बर्षमा एक करोड १२ लाख खुद नाफा कमाएको लघुवित्तले गत असार मसान्तसम्ममा एक करोड ५८ लाख रुपैयाँ मात्र नाफा बढाएको छ ।

अघिल्लाे बर्ष १९ रुपैयाँ ९९ पैसा रहेको लघुवित्तको इपिएस १६ रुपैयाँ ५३ पैसामा झरेको छ । ग्लोबल आईएमई बैंकको लगानी रहेको लघुवित्तले नै पूँजीको अनुपातमा प्रतिसेयर आम्दानी सन्तुलन गर्न नसकेको हो ।

यस अवधिमा कम्पनीको चुक्ता पूँजी ५ करोड ६५ लाखबाट ९ करोड ६० लाख ५० हजार पुगेको छ । कम्पनीको जगेडा कोष ७९ लाखले सुधार आएर ४ करोड ९२ लाख कायम भएको छ ।

३६ करोड ८ लाख निक्षेप संकलन गरि एक अर्ब १० करोड २६ लाख कर्जा प्रवाह गरेर लघुवित्तले पाँच करोड ७५ लाख खुद ब्याज आम्दानी गर्न सफल भएको छ । कम्पनीके खुद ब्याज आम्दानी ७१ लाखले वृद्धि भएको हो ।

समीक्षा अवधिमा लघुवित्तको कर्मचारी खर्च ३ करोड ४३ लाख र अन्य सञ्चालन खर्च एक करोड ८१ लाख गरेकाे छ । लघुवित्तकाे सञ्चालन नाफा  दुई करोड ४९ लाख पुगेको छ ।अघिल्लाे बर्ष कम्पनीले एक कराेड ७७ लाख सञ्चालन नाफा कमाएकाे थियाे ।

लघुवित्तको निष्कृय कर्जा अनुपात २.४१ बाट सुधार आएर ०.७५ प्रतिशतमा झरेको छ । लघुवित्तको निक्षेप संकलन लागत १०.२१ प्रतिशत, प्रतिसेयर नेटवर्थ १५१ रुपैयाँ २९ पैसा रहेको छ ।

लघुवित्तको मूल्य आम्दानी अनुपात भने ७५.५१ गुणा बढी रहेको छ जसले कम्पनीको सेयरमूल्यको तुलनामा आम्दानी थोरै रहेको देखाउँछ ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।