एफपिओ, हकप्रद र बोनसबाट ४६ प्रतिशतले चुक्ता पूँजी बढाएको फाइनान्सको नाफा ४ प्रतिशतले मात्र बढेको छ । जसका कारण अघिल्लो आर्थिक बर्षमा कायम भएको १५ रुपैयाँ ७५ पैसाको इपिएस ११ रुपैयाँ १९ पैसामा झरेको छ ।
मेरोलगानीको डेटा एनालिटिक्स सफ्टवेयरले पोखरा फाइनान्सले यसअघिका त्रैमासमा गरेको नाफाको आधारमा गत आर्थिक बर्षमा ९ करोड आठ लाख रुपैयाँ खुद नाफा कमाएर प्रतिसेयर आम्दानी ११ रुपैयाँ १३ पैसा प्रतिसेयर आम्दानी कायम गर्ने प्रक्षेपण गरेको थियो । जुन मेल खाएको छ ।
समीक्षा अवधिमा फाइनान्सको चुक्ता पूँजी ५५ करोड ७४ लाखबाट ८१ करोड ६४ लाख ५० हजार पुगेको छ । फाइनान्सले जगेडा कोष ६६ प्रतिशतले बढाएर ३५ करोड ७५ लाख रुपैयाँ सञ्चित गरेको छ ।
एक बर्ष अवधिमा फाइनान्सले ४ अर्ब ३२ करोड रुपैयाँ बराबरको निक्षेप संकलन गरेर ४ अर्ब १४ लाख रुपैयाँ कर्जा प्रवाह गरेको छ । फाइनान्सले निक्षेप १९ र कर्जा लगानी २० प्रतिशतले बढाएको हो ।
ब्याज आम्दानीको अनुपातमा खर्च बढेपछि समीक्षा अवधिमा फाइनान्सको खुद व्याज आम्दानी एक करोड ८५ लाखले गिरावट आएर १६ करोड ९९ लाख आम्दानी भएको छ ।
खराब कर्जा अनुपातलाई १.१२ प्रतिशतमा कायम गरेको फाइनान्सको प्रति शेयर नेटवर्थ १४३ रुपैयाँ ७९ पैसा रहेको छ । निक्षेप लागत ९.२१ प्रतिशतमा बढेको फाइनान्सको आधार ब्याजदर १२.५६ प्रतिशत रहेको छ ।
