मेरोलगानीको डेटा एनालिटिक्स सफ्टवेयरले बैंकले यसअघिका त्रैमासमा गरेको नाफाको आधारमा गत आर्थिक बर्षमा ५९ करोड रुपैयाँ खुद नाफा कमाउने प्रक्षेपण गरेको थियो । सफ्टवेयरले गरेको प्रक्षेपणभन्दा बैंकको नाफा ३ करोड रूपैयाँ कम हो ।
खुद नाफा सुधारिएसँगै बैंकको प्रतिसेयर आम्दानी १६ रुपैयाँ ८७ पैसाबाट २१ रुपैयाँ ३१ पैसा कायम गरेको छ ।
यति र महालक्ष्मी विकास मर्ज भएर बनेको बैंकले राष्ट्र बैंकले तोकेको पूँजी कायम गरिसकेका कारण पूँजी स्थिर रहँदा प्रतिसेयर आम्दानी बढाउन सकेको हो ।
दुई अर्ब ६३ करोड ३७ लाख रुपैयाँ चुक्ता पूँजी भएको बैंकले एक अर्ब ४३ करोड दुई लाख रुपैयाँ जगेडा कोषमा सञ्चित गरेको छ ।
बैंकले असार मसान्त सम्ममा २७ अर्ब २७ करोड रुपैयाँ निक्षेप संकलन गरेर २१ अर्ब ६५ करोड ९५ लाख रुपैयाँ कर्जा परिचालन गरेको छ ।
असार मसान्तमा तीन अर्ब १९ करोड ६४ लाख रुपैयाँ ब्याज आम्दानी गरेको बैंकले ब्याज खर्च दुई अर्ब १२ करोड १० लाख रुपैयाँ ब्याज खर्च गरेको छ । उल्लेख्य बढेको बयाजखर्चको बाबजुत बैंकले खुद नाफामा ३७.८९ प्रतिशत सुधार गरेर एक अर्ब ७ करोड ५३ लाख रुपैयाँ पुर्याएको हो ।
अघिल्लो बर्षको तुलनामा गत असार मसान्तसम्म बैंकको कर्मचारी खर्च १४८ र अन्य सञ्चालन खर्च ७६.५४ प्रतिशतले बढेको छ ।
बैंकमा भाका नाघेको कर्जाको अनुपात ३.८८ प्रतिशत रहेको छ । निष्कृय कर्जामा सुधार गर्न नसक्दा बैंकको अघिल्लाे बर्षको तुलनामा निष्कृय कर्जाकाे अनुपात ०.२५ प्रतिशतले बढेको छ ।
