उक्त सम्झौता पत्रमा मुक्तिनाथ विकास बैंकलाई आवश्यक पर्ने जनशक्ति व्यवस्थापन गर्ने क्रममा पोखरा विश्वविद्यालयवाट विविए, विआइ र एमविएमा उत्कृष्ट अंक ल्याई उत्तिर्ण हुने ५ जना विद्यार्थीहरुलाई क्षमता र दक्षताका आधारमा आवश्यक प्रकृया पुरा गरी कर्मचारीको रुपमा नियुक्ति गर्ने उल्लेख छ ।
विश्वविद्यालयमा विभिन्न विभाग अन्तर्गत अध्ययन गर्ने विद्यार्थीहरुलाई इन्टर्नशीप गर्न अवसर प्रदान गर्ने र बैंकिङ्ग सम्बन्धी आवश्यक तालिम तथा ब्यवहारिक ज्ञान आदान प्रदान गर्ने गरी सम्झौतापत्रमा हस्ताक्षर भएको हो ।
यस सम्झौता पश्चात शैक्षिक योग्यता हासिल गरी सकेपछि देखिने बेरोजगारी समस्या लाई व्यवस्थापन गर्न सहयोग पुग्ने बताइएको छ ।
उक्त सम्झौतापत्रमा मुक्तिनाथको तर्फबाट क्षेत्रीय प्रवन्धक बाबुराम ढकाल र पोखरा विश्वविद्यालयको तर्फबाट पोखरा विश्व विद्यालय, स्कूल अफ विजनेसका निर्देशक डा. रविन्द्र घिमिरेकोे हस्ताक्षर गरेका छन् ।
