२०७४ साल माघ १५ गतेबाट वित्तीय कारोवार सञ्चालन गरेको नागरिक लघुवित्त व्यसायिक कारोबार सञ्चालन नगरेका कारण नोक्सानीमा गएको हो । कर्मचारी खर्च र अन्य सञ्चालन खर्चले लघुवित्तको सञ्चालन नोक्सानी २७ लाख ८ हजार पुगेको हो ।
समीक्षा अवधिमा कम्पनीले ५० लाख सापटी तथा १२ लाख ३९ हजार निक्षेप संकलन गरेको छ भने एक करोड १३ लाख रुपैयाँ कर्जा लगानी गरेको छ । यसबाट कम्पनीले ९ लाख ७० हजार ब्याज आम्दानी गरेर एक लाख ९३ हजार ब्याज खर्च गरेको छ । कम्पनीले ७ लाख ७६ हजार खुद ब्याज आम्दानी गरेको छ ।
एक करोड ७५ लाख रुपैयाँ चुक्ता पूँजी रहेको लघुवित्तमा ७० प्रतिशत संस्थापक सेयर स्वामित्व रहेको छ भने ३० प्रतिशत सेयर सर्वसाधारणमा जारी गर्नेछ । गत आवसम्म कम्पनी ३१ लाख २३ हजार रुपैयाँ जगेडा नोक्सानीमा छ ।
नेपाल राष्ट्र बैंकबाट “घ” वर्गको लघुवित्त वित्तीय संस्थाको रुपमा इजाजत लिएको यस कम्पनी वि.सं २०७४ असार २५ गते पब्लिक कम्पनीमा दर्ता भएको थियो ।
लघुवित्तको कार्यक्षेत्र काभ्रेपलाञ्चोक सहित सिन्धुपाल्चोक, दोलखा, रामेछाप, सिन्धुली, नुवाकोट, गोर्खा, धादिङ, लमजुङ र तनहुँ गरि १० जिल्लामा रहेको छ ।
संस्थाले बैंकिङ्ग पहुँच नपुगेका क्षेत्र तथा विपन्न वर्गसम्म सरल एंव सुलभ रुपमा स्तरीय वित्तीय सेवा उपलब्ध गराउने उदेश्यका साथ स्थापना भएको थियो ।
