समीक्षा अवधिमा लघुवित्तले ३२ करोड ५६ लाख रुपैयाँ सापटी तथा ५ करोड ७४ लाख रुपैयाँ निक्षेप संकलन गरेर ३८ करोड रुपैयाँ कर्जा प्रवाह गरेको छ । यसबाट कम्पनीले एक करोड २८ लाख रुपैयाँ खुद ब्याज आम्दानी गरेको छ ।
उच्च कर्मचारी खर्च र अन्य सञ्चालन खर्च तथा नोक्सानी व्यवस्थाले कम्पनीको सञ्चालन नाफा एक लाख ६० हजारमा खुम्चिएको छ ।
खराब कर्जा अनुपात ०.२७ प्रतिशत रहेको कम्पनीको जगेडा कोषमा २ लाख १८ हजार मात्रै छ । कम्पनीे सर्वसाधारणमा आईपिओ जारी गर्ने प्रकृयामा समेत रहेको छ ।
स्पर्सले २ करोड ४० लाख रुपैयाँ बराबरको २ लाख ४० हजार कित्ता साधारण शेयर गर्न सानिमा क्यापिटललाई निष्काशन तथा बिक्री प्रबन्धकमा नियुक्त गरेको छ ।
हाल वित्तिय संस्थाको चुक्ता पूँजी ५ करोड ६० लाख रहेको छ भने यस सार्वजनिक निष्काशन पश्चात संस्थाको चुक्ता पूँजी ८ करोड हुनेछ ।
हाल वित्तिय संस्थाले पश्चिमाञ्चल क्षेत्रका १० वटा जिल्लामा २० वटा शाखा संचालनमा ल्याएको छ । यी शाखा मार्फत लघुवित्तले करिब ६ हजार ५ सय बढी सदस्यलाई वित्तिय सेवा प्रदान गर्दै आएको छ ।