हकप्रद सेयर जारी गर्नको लागि फाइनान्सले यहि साउन २१ गते एक दिन बुक क्लोज गर्ने भएको हो । गत वैशाख ३१ गते सम्पन्न १२ औँ साधारणसभाले सो हकप्रद सेयर निष्काशन गर्ने प्रस्ताव पारित गरेको थियो ।
हाल १५ करोड रुपैयाँ चुक्ता पुँजी रहेको कम्पनीको १६७ प्रतिशत हकप्रद पश्चात ४० करोड रुपैयाँ चुक्ता पूँजी पुग्नेछ । गत अावकाे चाैथाे त्रैमासमा कम्पनीले संस्थापक सेयरधनीबाट हकप्रद वापत संकलन गरेकाे अग्रिम दाखिला भुक्त्तानी सहित २८ कराेड २ लाख रूपैयाँ चुक्ता पुँजी उल्लेख गरेकाे छ ।
राष्ट्र बैंकको निर्देशन अनुसार यो कम्पनीले ०७६ मंसिरसम्ममा राष्ट्र बैंकले तोकको चुक्ता पूँजी पुर्याउनु पर्नेछ । राष्ट्रिय स्तरको फाइनान्स कम्पनीले ८० करोड रुपैयाँ न्युनतम चुक्ता पुँजी पुर्याउनुपर्ने हुन्छ ।
२०७४ मंसिर २४ गतेदेखि समस्याग्रस्त संस्थाबाट मुक्त बनेको तत्कालीन कुबेर मर्चेन्ट एण्ड फाइनान्स सिटी समुहले फाइनान्सको बहुमत सेयर खरिद गरि पूर्नजागरण गरेपश्चात फाइनान्स नियमित सञ्चालनामा आएको थियो ।
फाइनान्सको धितोपत्र आइतबार दोस्रो बजारमा प्रतिकित्ता १६८ रुपैयाँमा कारोबार भएको छ । गत आवमा फाइनान्सले दुर्इ करोड १५ लाख रुपैयाँ खुद नाफा कमाएर प्रतिसेयर आम्दानी १४ रुपैयाँ ३६ पैसा कायम गरेको छ ।