गत जेठ मसान्तमा ८३ करोड ४७ लाख १७ हजार ३८३ रुपैयाँ खुद सम्पत्ति रहेको फण्डको सम्पत्ति बढेर असार मसान्तमा ८३ करोड ७७ लाख २० हजार ४२६ रुपैयाँ पुगेको छ । खुद सम्पत्ति बढेसँगै फण्डको नाभ १० रुपैयाँ १८ पैसाबाट बढेर १० रुपैयाँ २२ पैसा पुगेको हो ।
यस फण्ड–१ ले असार मसान्तमा एक करोड ७७ लाख २० हजार ४२६ रुपैयाँ आम्दानी गरेको छ । फण्डले जेठमा एक करोड ४७ लाख १७ हजार आम्दानी गरेको थियो । जेठको तुलनामा असारमा फण्डले ३० लाख तीन हजार ४२ रुपैयाँले आम्दानी बढाएको हो ।
प्रति इकाई खुद सम्पती मूल्य १० रुपैयाँ २२ पैसा रहेको छ । जेठ महिनामा १० रुपैयाँ १८ पैसा रहेको थियो । असार मसान्तमा जेठ महिनाको तुलनामा ४ पैसा खुद सम्पती बढाएको हो ।
फण्डले जेठको तुलनामा असारमा सूचीकृत कम्पनीमा ५ करोड १३ लाख रुपैयाँले लगानी बढाएको छ । जेठसम्म ९ करोड ५६ लाख ८४ हजार ४३ रुपैयाँ सूचीकृत कम्पनीमा लगानी गरेकोमा असारमा १४ करोड ७० लाख ९ हजार ६०९ रुपैयाँ लगानी गरेको छ ।
सूचीकृत कम्पनीमध्ये १३ वाणिज्य बैंक,२ विकास बैंक,१ फाइनान्स, ५ लघुवित्त,जीवन र निर्जीवन बीमा कम्पनी २/२ वटा, हाइड्राेपावर कम्पनी २, सामूहिक लगानी काेष १, अन्य उप समूहका २ कम्पनीमा लगानी गरेकाे हाे। यसमध्ये १३ वाणिज्य बैंक ६ कराेड १५ लाख ३५ हजार ६४६ लगानी रहेकाे छ । जुन कूल लगानीकाे ४१.३० प्रतिशत हाे ।
त्यसैगरि पञ्चकन्या माई हाईड्रोपावर र नाडेप लघुवित्त सहित सूचीकृत हुन बाँकी कम्पनीको धितोपत्रमा १९ लाख ७६ हजार तथा स्थिर आय उपकरणमा तीन करोड लगानी गरेको छ ।
फण्डले कूल ३२ कम्पनीका पाँच लाख पाँच हजार ४८१ संख्याको धितोपमा १४ करोड ८९ लाख ७६ हजार २१० रुपैयाँ लगानी गरेको छ । असार मसान्तमा फण्डले ६६ करोड १३ लाख ८७ हजार रुपैयाँ बैंक मौज्दातमा रहेको छ ।