मुक्तिनाथले गतबर्ष ५७ करोड ५४ लाख खुद मुनाफा गरेको छ । जुन अघिल्लो बर्षको यसैअवधिको भन्दा १८.१९ प्रतिशत अर्थात ८ करोड ८५ लाख बढी हो । बैंकको खुद ब्याज आम्दानी २१.९३ प्रतिशतले बढ्दा सञ्चालन मुनाफा २१.९५ प्रतिशतले बढेको छ ।
समिक्षा अवधिमा बैंकको चुक्ता पूँजी २ अर्ब ५९ करोड पुगेको छ । जसको जगेडा कोषमा ९४ करोड ७९ लाख रहेको छ । एकबर्षको अवधि बैंकको चुक्तापूँजी ३१ प्रतिशत तथा जगेडाकोष २०३ प्रतिशतले बढेको छ ।
बैंकले यसअवधिमा ३० अर्ब ३५ करोड निक्षेप संकलन गरी २५ अर्ब २६ करोड कर्जा प्रवाह गरेको छ । बैंकको निक्षेप ८१ प्रतिशतले बढ्दा कर्जा ६५ प्रतिशतले बढेको छ ।
बैंकको निष्क्रिय कर्जा ०.००४ प्रतिशत, प्रतिसेयर आम्दानी २२.२० रुपैयाँ तथा प्रतिशेयर नेटवर्थ १३६.५७ पैसा कायम गरेको छ ।