ग्लोबल आइएमई म्युचुअल फण्ड अन्र्तगत सञ्चालित ग्लोबल आइएमई समुन्नत योजना–१ को असार मसान्तमा नाभ ८ रुपैयाँ ७२ पैसामा झरेको हो । जेठमा फण्डको इकाईको नाभ ८ रुपैयाँ ८० पैसा रहेको थियो ।
एक अर्ब आकारको योजनाको असार मसान्तमा ८७ करोड १६ लाख ४७ हजार १४५ रुपैयाँ खुद सम्पत्ति रहेको छ । गत जेठमा ८८ करोड २ लाख ४ हजार ७५५ रुपैयाँ खुद सम्पत्ति रहेको थियो । खुद सम्पत्तिमा आएको ८५ लाख ५७ हजार ६१८ रुपैयाँ गिरावटले इकाईको नाभ घटेको हो ।
फण्डले जेठ मसान्तको तुलनामा सूचीकृत कम्पनीहरुमा दुई करोड ९५ लाख ३० हजार रुपैयाँ लगानी बढाएर ७३ ३९ लाख ५६ हजार रुपैयाँ लगानी गरेको छ । त्यसैगरि सूचीकृत हुन बाँकी सेयरमा समेत फण्डको लगानी दुई करोड ३१ लाख ७६ हजार बढाएर पाँच करोड ५८ लाख ४९ हजार लगानी गरेको छ ।
यस अवधिमा फण्डले एभरेष्ट बैंकको प्रिफरेन्स सेयर, १९ बाणिज्य बैंकको साधारण र तीन वटाको संस्थापक सेयरमा लगानी रहेको छ । त्यसैगरि १६ विकास बैंक, २१ लघुवित्त, ५ फाइनान्स, ६ जलवित्तद्युत कम्पनी, ५ जीवन र १० निर्जीवन बीमा कम्पनीको सेयरमा लगानी रहेको छ ।
होटल समूहका दुई कम्पनी, ६ वटा सामूहिक लगानी कोषका इकाईमा तथा अन्य समूहका ३ कम्पनीमा पनि ग्लोबल आइएमई समुन्नत योजना–१ को लगानी रहेको छ ।
त्यसैगरि ऋणपत्रमा एक करोड रुपैयाँ, मुद्धती निक्षेपमा पाँच करोड, बैंक मौज्दातमा दुई करोड १८ लाख ७७ हजार, र अन्य सम्पत्तिमा एक करोड ७६ लाख ६६ हजार रुपैयाँ लगानी रहेको छ ।
जेठ मसान्तसम्म ६ करोड ४५ लाख १३ हजार कूल नोक्सानीमा रहेको फण्डको नोक्सानी असार मसान्तमा ७ करोड ५४ लाख ७० हजार पुगेको छ ।
