फाइनान्सको एकीकृत कारोबारको सुरुवात गर्दै गभर्नर नेपालले बैंकहरु अहिले चुक्ता पूँजी १५ अर्ब रुपैंया पुर्याउने पक्षमा रहेको बताएका छन् । यससम्बन्धमा बैंकहरुले आफुसँग आशय व्यक्त गरेको खुलासा गभर्नर नेपालले गरेका हुन् ।
गभर्नर नेपालले बैंकहरुलाई नीजि कम्पनीका रुपमा नलिन आग्रह गर्दै सार्वजनिक संस्थानको अवधारणामा सञ्चालन हुनु पर्ने बताए ।
सिनर्जी फाइनान्सलाई विलय गरेर बेष्ट फाइनान्सका नामबाट एकीकृत कारोबार सुरु भएको हो । यो सँगै वेष्ट फाइनान्सको चुक्ता पुँजी ८९ करोड ५ लाख रुपैयाँ पुगेको छ । विलय पश्चात फाइनान्सको निक्षेप २ अर्ब २४ करोड रुपैयाँ पुग्नुका साथै कर्जा प्रवाह एक अर्ब ९९ करोड रुपैयाँ पुग्ने बताइएको छ । शाखा संख्या १४ पुगेको फाइनान्सको एटीएम संख्या ३ पुग्ने विज्ञप्तीमा उल्लेख छ ।
फाइनान्सको अध्यक्षमा पदमराज न्यौपाने नियुक्त भएका छन् भने संस्थापकका तर्फबाट संचालकमा मिलन थापा, कृष्णहरी श्रेष्ठ र सुरज क्षेत्री नियुक्त भएका छन् । सर्वसाधारण सेयरधनीको तर्फबाट बेबीजन तिमल्सिना र महेशप्रसाद अधिकारी सञ्चालक बनेका छन् । स्वतन्त्र संचालकमा बिमल ढकाल छन् ।