एनएफआरएस अनुसार बैंकले दुई अर्ब ७० करोड ४७ लाख रुपैयाँ फ्री प्राेफिट गरेकाे छ । राष्ट्र बैंकको व्यवस्था अनुरुप रेगुलेटरी एड्जस्टमेन्टमा ८६ करोड १२ लाख व्यवस्था गरेको छ । यसपछि आफ्ना शेयरधनीलाई एक अर्ब ८४ कराेड ३५ लाख रूपैयाँ लाभांश वितरण गर्न सक्ने क्षमता बनाएको वित्तीय विवरणमा उल्लेख छ ।
बैंकको चुक्ता पूँजी आठ अर्ब १० करोड ६८ लाख रुपैयाँ छ । एनएफआरएस अनुसार बैंकको जगेडा कोषमा ७ अर्ब ८० करोड ५४ लाख सञ्चित रहेको देखाएको छ ।
समीक्षा अवधिमा बैंकले १ खर्ब १४ अर्ब ८५ करोड रुपैयाँ निक्षेप संकलन गरेर ९२ अर्ब ७७ करोड कर्जा लगानी गरेको छ । बैंकले १० अर्ब १५ करोड ८४ लाख ब्याज आम्दानी गरेर ५ अर्ब २३ करोड ३६ लाख ब्याज खर्च गरेको छ । जसबाट उसले ४ अर्ब ९२ करोड ४७ लाख खुद ब्याज आम्दानी गरेको छ ।
बैंकको खराब कर्जा ०.५१ बाट घटेर ०.२० प्रतिशतमा झरेको छ, प्रतिशेयर आम्दानी ३४ रुपैयाँ ३७ पैसा तथा प्रतिसेयर नेटवर्थ १७८ रुपैयाँ ४३ पैसा र मूल्य आम्दानी अनुपात २०.९१ गुणा कायम भएको छ । त्यस्तै बैंकको आधार ब्याजदर ८.४५ प्रतिशत र कोषको लागत ५.६१ प्रतिशत छ ।