सिद्धार्थ इन्स्योरेन्सले चुक्ता पूँजीको ३५ प्रतिशतले हुने २२ लाख ४४ हजार ९७३ कित्ता हकप्रद बिक्री गरेको हो ।
कम्पनीले हकप्रद प्रयोजनका लागि जेठ १ गते सेयरधनी किताब बन्द गरेको थियो । यस अनुसार बैशाख ३१ गतेसम्म कायम रहेका सेयरधनीले मात्र हकप्रदमा आवेदन गर्न पाउनेछन् ।
सिद्धार्थ इन्स्योरेन्सको बिक्री प्रबन्धकमा एनएमबि क्यापिटल रहेको छ । सेयरधनीले मेरो सेयर, बिक्री प्रबन्धक एनएमबि क्यापिटल नागपोखरी, एनएमबि बैंकको शाखा,गुडविल फाइनान्स, सेन्ट्रल फाइनान्स र कामना सेवा विकास बैंक ज्ञानेश्वरबाट समेत आवेदन गर्ने व्यवस्था गरिएको छ ।
हाल ६४ करोड १४ लाख २१ हजार रुपैयाँ रहेको सिद्धार्थ इन्स्योरेन्सको हकप्रदपछि कम्पनीको ८६ करोड ५९ लाख १८ हजार रुपैयाँ चुक्ता पूँजी पुग्नेछ । बीमा समितिले तोकेको पूँजी कायम गर्न कम्पनीलाई १३ करोड ४१ लाख पूँजी बढाउनुपर्नेछ ।
कम्पनीको सेयर बिहीबार प्रतिकित्ता ६५९ रुपैयाँमा नेप्सेमा कारोबार भएको थियो ।
आरएसडिसीको पनि आजै अन्तिम
आरएसडिसी लघुवित्त (RSDC) को हकप्रदमा आवेदन गर्ने पनि आईतबार नै अन्तिम दिन रहेको छ । लघुवित्तले ५ः३ अनुपातमा २१ करोड ५९ लाख ७० हजार रुपैयाँ बराबरको हकप्रद सेयर जारी गरेको छ ।
कम्पनीले हकप्रद शेयर निष्काशन गर्ने प्रयोजनका लागि जेठ २२ सोमबार सेयरधनी दर्ता किताब बन्द गरेको थियो । यस अनुसार जेठ २१ गतेसम्म कायम रहेका सेयरधनीले हकप्रद भर्न पाउनेछन् ।
लघुवित्तको शेयर बिक्री प्रबन्धकमा एनआइबीएल एस क्यापिटल मार्केट रहेको छ । सेयरधनीले एनआईबिल एस क्यापिटलको कार्यालय लाजिम्पाट तथा यसका शाखा कार्यालयका साथै तोकिएको इन्भेष्टमेन्ट बैंकको शाखा कार्यालय मार्फत हकप्रद सेयरमा आवेदन दिन सक्नेछन् ।
हाल कम्पनीको चुक्ता पूँजी ३५ करोड ९९ लाख रूपैयाँ छ । ६० प्रतिशत हकप्रद बिक्रीपछि कम्पनीको चुक्ता पूँजी ५७ करोड ५९ लाख पुग्नेछ ।
राष्ट्र बैंकले थोक लघुवित्त कर्जा प्रवाह गर्ने कम्पनीलाई ६० करोड रुपैयाँको चुक्ता पूँजी कायम गर्न निर्देशन दिएको छ । यसअनुसार दुई करोड ४१ लाख थप पूँजी विस्तार गर्नुपर्ने देखिन्छ ।
कम्पनीको सेयर बिहीबार प्रतिकित्ता ५२४ रुपैयाँमा नेप्सेमा कारोबार भएको थियो ।
