अघिल्लो बर्ष यसै अवधिमा तीन करोड १५ लाख खुद नाफा कमाएको लघुवित्तले गत असार मसान्तसम्ममा जम्मा दुई करोड ६१ लाख मात्र खुद नाफा आर्जन गरेको छ ।
लघुवित्तको पूँजी १७ करोड ७१ लाख रुपैयाँ स्थिर रहँदा समेत लघुवित्तको खुद नाफा घट्नुलाई व्यवस्थापकिय कमजोरीको रुपमा लिन सकिन्छ । लघुवित्तले कम्पनीको खर्च शिर्षकहरुलाई नियन्त्रणमा राख्न नसक्दा कम्पनीको प्रतिसेयर आम्दानी १७ रुपैयाँ ८० पैसाबाट १४ रुपैयाँ ७८ पैसामा झरेको छ ।
एकातिर बैंकहरुसँग कर्जा सापटी लिएर ऋण प्रवाह गर्नुपर्ने अवस्थाका कारण लघुवित्तको निक्षेप लागत बढ्दा नाफा घट्न सहयोग पुगेकाे देखिन्छ । त्यसमाथि व्यवस्थापकिय कमजोरीका कारण कर्मचारी खर्च, अन्य सञ्चालन खर्चलाई नियन्त्रणमा राख्न नसक्दा कम्पनीको नाफा गत अार्थिक बर्षमा झरेको छ ।
समीक्षा अवधिमा कम्पनीले दुई करोड ५६ लाख रुपैयाँ जगेडका कोष बर्ढार चार करोड २५ लाख पुर्याएको छ । निक्षेप संकलन शतप्रतिशत बढाएको कम्पनीको सापटी रकम र कर्जा परिचालन समेत बढोत्तरी भएको छ ।
कम्पनीले ३० करोड ८३ लाख निक्षेप, एक अर्ब पाँच करोड साटी लिएर एक अर्ब ४८ करोड कर्जा लगानी गरेको छ । यसबाट कम्पनीले ९ करोड ९६ लाख खुद ब्याज आम्दानी गरेको छ । अत्याधिक बढेको ब्याज खर्चको बाबजुत कम्पनीले २६.५९ प्रतिशतले खुद ब्याज आम्दानी बढाएको छ ।
खराब कर्जा अनुपात १.३१ प्रतिशतबाट १.६८ प्रतिशतमा बढ्दा कर्जा नोक्सानी व्यवस्था ९६ लाखबाट एक करोड ५९ लाखमा बढ्न पुगेको छ । अघिल्लो बर्ष ३ करोड ५७ लाख कर्मचारी खर्च गरेको कम्पनीले पाँच करोड ९४ लाख तथा दुई करोड ३७ लाखको अन्य सञ्चालन खर्च तीन करोड २१ लाखमा बढेको छ । लघुवित्तको नाफा घटाउने प्रमुख रुपमा यी तीनवटा कारण प्रमुख देखिएका छन् ।
लघुवित्तको निक्षेप लागत १०.८२, पूँजी कोष अनुुपात १४.९९ प्रतिशत, प्रतिसेयर नेटवर्थ १२४ रुपैयाँ १ पैसा र मूल्य आम्दानी अनुपात ५१.७६ गुणा बढी रहेको छ ।
