निर्जीवन बीमा व्यवसायमा १७ प्रतिशतकाे वृद्धि, पूँजी वृद्धि समय ३ महिनासम्म थपिने

Aug 05, 2018 Merolagani

बीमा समितिका अध्यक्ष चिरञ्जीवि चापागाँईले गत आर्थिक वर्षमा निर्जीवन बीमा व्यवसायमा १७ प्रतिशतले वृद्धि भएको बताएका छन् । प्रभु इन्स्योरेन्स स्थापनाको २३ औं स्थापना दिवसको कार्यक्रममा चापागाँईल बीमा कम्पनीहरूको पूँजी वृद्धिको लागि ३ महिना मात्र समय थप हुनसक्ने जानकारी दिए ।

अध्यक्ष चापागाईले बीमा समितिको सुपरिवेक्षण तथा अनुगमनका कारण बीमा कम्पनीहरुको सुशासन राम्रो हुँदै गएको बताए ।

कार्यक्रमका प्रमुख अतिथि तथा बीमा समितिका अध्यक्ष चापागाँईले निर्जीबन बीमा कम्पनीहरु मध्ये प्रभु इन्स्योरेन्सको व्यवशाय औषत भएतापनि दाबी भुक्तानी न्यून रहेको बताए । अन्य परिसुचकहरु धेरै राम्रो रहेकोले थप सुशासित र अब्बल बन्दै व्यवसायीक दायरा बढाउन शुभकामना पनि दिए ।

बीमा कम्पनीमा कार्यरत कर्मचारी, अभिकर्ता तथा सर्भेयरको वृद्धि विकासको लागि बीमा तालिम केन्द्र स्थापना गरिएको चापागाँईले जानकारी दिए । उनले बीमा कम्पनीमा कार्यरत कर्मचारी, अभिकर्ता तथा सर्भेयरको वृत्ती विकासको लागि बीमा तालिम केन्द्र स्थापना गरिएको उल्लेख गरे ।

कम्पनी अध्यक्ष कुसुम लामाले बीमा समितिले जारी गरेको संस्थागत सुशासन सम्वन्धी निर्देशिका बीमा कम्पनीहरुको हितमा रहेको र समितिको सहि मार्ग निर्देशनले कम्पनीको व्यवसाय वृद्धि हुने बताउँदै बीमा तालिम केन्द्रको स्थापनाले बीमा क्षेत्रमा दक्ष जनशक्ति विकास हुने बताइन् ।

बीमा समितिको निर्देशन अनुसार चुक्ता पूँजी वृद्धिको लागि हकप्रद शेयर निष्काशन भईसकेको र केही दिनमै हकप्रद शेयरको बाँडफाँड पश्चात कम्पनीले तोकिएको चुक्ता पुँजी कायम हुने  अध्यक्ष लामाले बताइन् ।

कम्पनीका प्रमुख कार्यकारी अधिकृत सन्चित बज्राचार्यले कम्पनीले गत आर्थिक वर्षमा अघिल्लो वर्षको तुलनामा व्यवसाय वृद्धि गरेको बताए । कम्पनीले मेडिकल बीमाको लागि नगद रहित सेवा सञ्चालनको लागि अस्पतालहरुसंग सहकार्य गरेको र बीमितहरुको सुविधाको लागि राजमार्गहरुमा सवारी साधन बिग्रिएको अवस्थामा मर्मतको लागि वर्कशपहरुसँग सम्झौता गरिसकिएको बताए ।

हाल ३५ वटा शाखा तथा उपशाखाबाट सेवा प्रदान गरिरहेको कम्पनीले केहि समयभित्रै ७ वटा शाखा विस्तार गर्ने जनाएको छ ।

comments powered by Disqus

अब निक्षेप सदस्यबाटै घरयासी नामसारी हुने, यस्ता छन् आवश्यक कागजात

Oct 20, 2018

सिडिएस एण्ड क्लियरिङ्ग लिमिटेडले धितोपत्र केन्द्रीय निक्षेप सेवा विनियमावलीलाई तेस्रो पटक संसोधन गर्दै शेयर नामसारी प्रणालीलाई सहज बनाएको छ। शेयर लगानीकर्ताले घरयासी र मृत्यु नामसारीका लागि आफूले हितग्राही खाता खाेलेकाे लाइसेन्सप्राप्त निक्षेप सदस्य (डीपी) बाटै आवश्यक प्रक्रिया पूरा गरेर नामसारी सेवा लिनसक्ने सिडिएससीले जनाएको छ ।