क्यू आर कोड मार्फत भुक्तानी सेवा बैंकको मोबाइल बैंकिङ्ग (MoBank App) प्रयोगकर्ताहरुले प्रयोग गरि उपभोग गर्न सक्नुहुनेछ । क्यू आर कोड मार्फत भुक्तानी गर्नको लागि मर्चेन्टले एमओ बैंक मर्चेन्ट एपबाट रिक्वेस्ट पेमेन्ट विकल्प प्रयोग गरि क्यू आर कोड जेनेरेट गर्ने र ग्राहकले आफ्नो एमओ बैंक (MoBank) प्रयोग गरि सोहि क्यू आर कोडमा एमओ पे (MOPay) विकल्प प्रयोग गरि स्क्यान गरेर भुक्तानी गर्न सक्नेछन् ।
यसैगरि मर्चेन्टले भुक्तानी काउण्टरमा क्यू आर कोड भएको स्टिकर पनि राख्न सक्नेछन् । जसलाई ग्राहकले एमओ पे विकल्प प्रयोग गरि स्क्यान गरेर भुक्तानी गर्न सकिन्छ ।
एनआईसी एशिया बैंक यो सेवा नेपालमा सुरु गर्ने पहिलो बैंक भएको जनाइएको छ । यस सेवाबाट व्यवसायी तथा ग्राहक महानुभावहरु लाभान्वित हुने विश्वास बैंकले लिएको छ । यो सेवा प्रयोग गर्नको लागि ग्राहकसँग स्मार्टफोन उपलब्ध हुनुपर्ने र उक्त स्मार्टफोन प्रयोग गरि ग्राहकले सजिलै भुक्तानी गर्न सक्नुहुनेछ ।
बैंकको मोबाइल बैंकिङ्ग (MOBank) सेवा गुगलप्ले/एप स्टोर अथवा बैंकको वेबसाइटबाट सजिलै डाउनलोड गर्न सकिन्छ । बैंकले आगामी दिनहरुमा यस्तै खालको विभिन्न सेवाहरु ल्याउने योजना राखेको छ ।