समीक्षा अवधिमा बैंकले ३५ करोड २३ लाखको चुक्ता पूँजी ५२ करोड ५० लाख रुपैयाँ पुर्याएको छ । पूँजी वृद्धि अनुसार व्यवसाय विस्तार हुन नसक्नु, खर्च नियन्त्रमा व्यवस्थापन चुस्त नदेखिँदा बैंकको खुद नाफा १० करोड एक लाखबाट ३ करोड रुपैयाँले घटेर ७ करोड ४५ लाख रुपैयाँ खुम्चिएको हो ।
बैंकको जगेडा कोषमा समेत एक करोड १४ लाख रूपैयाँले संकुचन आउँदा १३ करोड ७२ लाख रुपैयाँ सञ्चित छ । बैंकले २ अर्ब ८७ करोड ५४ लाख निक्षेप संकलन गरेको छ भने दुई अर्ब ४२ करोड ९१ लाख रुपैयाँ कर्जा प्रवाह गरेको छ ।
बैंकले निक्षेप संकलन र कर्जा प्रवाहमा भने बैंकले करिब २० प्रतिशतले वृद्धि गरेको देखिन्छ । अघिल्लो आर्थिक वर्षमा २ अर्ब ४० करोड रुपैयाँ रहेको निक्षेप ४७ करोडले बढेको हो । यस्तै कर्जा परिचालन पनि ३९ करोड रुपैयाँले वृद्धि भएको छ ।
ब्याज आम्दानीको बढोत्तरीको तुलनामा खर्च बढ्दा अघिल्लो बर्ष १९ करोड ४ लाख खुद ब्याज आम्दानी कमाएको बैंकले गत बर्ष १६ करोड ५३ लाख रुपैयाँ खुद ब्याज आम्दानी गरेको छ ।
बैंक व्यवस्थापनले कर्मचारी खर्च र अन्य सञ्चालन खर्चमा नियन्त्रण गर्न नसक्दा बैंकको सञ्चालन मुनाफा २७ प्रतिशतले घटेर ११ करोड ३० लाख रुपैयाँ आर्जन गरेको छ । अघिल्लो बर्ष बैंकले १५ करोड ५३ लाख सञ्चालन मुनाफा कमाएको थियो ।
बैंकको निष्कृय कर्जा ०.१२ प्रतिशत, प्रतिसेयर नेटवर्थ १२६ रुपैयाँ रहेको छ ।
