युनियन लाइफद्धारा ७६ करोड २२ लाख खुद बीमा शुल्क अार्जन, नाफा कति ?

Aug 07, 2018 Merolagani

युनियन लाइफ इन्स्योरेन्सले आर्थिक बर्ष २०७४/७५ मा ७६ करोड २२ लाख रुपैयाँ खुद बीमा शुल्क संकलन गरेको गरेको छ । गत असोजबाट सञ्चालनमा आएको कम्पनीले दश महिना अवधिमा ४६ हजार ९२७ बीमा लेखबाट सो बीमा शुल्क आर्जन गरेको हो ।

चैतसम्म कम्पनीले ३९ करोड ६ लाख रुपैयाँ खुद बीमा शुल्क आर्जन गरेको थियो । असार मसान्तसम्ममा कम्पनीले ५० लाख २७ हजार रुपैयाँ बराबरको मात्रै खुद दाबी भुक्तानी गरेको छ । 

कम्पनीको खुद नाफा भने ९ करोड ३५ लाख रुपैयाँ रहेको छ । गत चैतसम्म ९ करोड ८८ लाख रुपैयाँ खुद नाफा कमाए पनि कर्मचारी बोनस, व्यवस्थापन खर्च र आयकर तिर्दा कम्पनीको खुद नाफा चैतभन्दा ५२ लाखले घटेको छ ।

जीवन बीमा कम्पनीहरुले प्रकाशित गर्ने खुद नाफा बीमङ्कीय मुल्यांकन बाहेकको हिसाब हुने भएकाले कम्पनीको वास्तविक नाफा भन्दा अहिलेको नाफामा फरक पर्नसक्छ ।

एक अर्ब ५० करोड ५० लाख रुपैयाँ चुक्ता पूँजी रहेको कम्पनीको जगेडा कोषमा ९ करोड ६७ लाख रुपैयाँ, जीवन बीमा कोषमा ३५ करोड ४६ लाख रुपैयाँ र महाविपत्ती जगेडामा ९३ लाख रुपैयाँ सञ्चित गरेको छ ।

यस अवधिमा कम्पनीले ६९ हजार ५९० बिमितबाट ८६ करोड ५० लाख रुपैयाँ कुल बीमा शुल्क आर्जन गरेको छ । यो गत चैतको भन्दा ३७ करोड ८१ लाख रुपैयाँ अर्थात ७७.६८ प्रतिशतले बढी हो । तेस्रो त्रैमासमा कम्पनीले ४४ हजार ३६५ बिमितबाट ४८ करोड ६८ लाख रुपैयाँ बीमा शुल्क आर्जन गरेको थियो ।

यसरी प्रयोग गर्नुहोस डाटा एनालिटिक्स

कुल ९ वटा दाबी बापत ९८ लाखको दाबी परेकोमा कम्पनीले चौथो त्रैमासमा ५ वटा दाबीको ५३ लाख भुक्तानी गरेको जनाएको छ ।

कम्पनीले ६४ करोड ५० रुपैयाँ बराबरको साधारण सेयर जारी गर्न अघिल्लो बर्षको साधारण सभाबाट स्वीकृत गराईसकेको छ । अाइपिअाेकाे बिक्री प्रबन्धकमा नेपाल एसबिअार्इ मर्चेन्ट बैंकिङ चयन गरिएकाे छ ।

comments powered by Disqus

बलियो पूँजी आधार निमार्ण गरेको इन्भेष्टमेन्ट बैंकको उत्साहजनक प्रगति

Aug 14, 2018

पूँजी आधार निरन्तर बलियो बनाउँदै लगेको नेपाल ईन्भेष्टमेन्ट बैंक(NIB) ले गत आर्थिक बर्षको चौथो त्रैमासको उत्साहजनक प्रगति विवरण प्रस्तुत गरेको छ । १५ प्रतिशत बढीले चूक्ता पूँजी बढाएको बैंकले २६ प्रतिशत नाफा बढाएर प्रतिशेयर आम्दानी ३७ रुपैयाँ कायम गरेको छ ।