५० करोड ३१ लाख चुक्ता पूँजी रहेको यस लघुवित्तको जगेडा कोषमा ९२ करोड ५९ लाख रुपैयाँ रहेको छ । समीक्षा अवधिमा कम्पनीले ३४ करोड ६४ लाख रूपैयाँले जगेडा कोष बढाएको छ ।
लघुवित्तले अघिल्लो आर्थिक वर्षको तुलनामा निक्षेप संकलन १ अर्ब ५३ करोडले वृद्धि गरेको छ । अघिल्लो आर्थिक वर्षको यस अवधिमा ४ अर्ब २३ करोड रुपैयाँ निक्षेप संकलन गरेको लघुवित्तले गत आर्थिक वर्षको चौथौं त्रैमासमा ५ अर्ब ७६ करोड रुपैयाँ पुर्याएको हो ।
कम्पनीले कर्जा विस्तारतर्फ ८ अर्ब ६ करोडबाट बढाएर १० अर्ब १५ करोड रुपैयाँ कर्जा लगानी गरेको छ ।
निक्षेप लागत ७.७८ प्रतिशतमा बढेपछि अघिल्लो आर्थिक वर्ष ९४ करोड ७८ लाख रुपैयाँ खुद ब्याज आम्दानी गरेको लघुवित्तको खुद ब्याज आम्दानी घटेर ८६ करोड ६७ लाख रुपैयाँमा संकुचन हुन आएको छ । एक अर्ब ६५ करोड ब्याज आम्दानी गरेको कम्पनीले ७८ करोड ९८ लाख खर्च गरेको हो ।
लघुवित्तको खराब कर्जा ०.७२ प्रतिशतबाट १.०२ प्रतिशतमा बढेपछि कर्जा नोक्सानी व्यवस्था दुई करोड २९ लाखबाट पाँच करोड पाँच लाख पुगेको छ । यद्यपी लघुवित्तले अन्य सञ्चालन आम्दानी १९ करोडले बढाएपछि सञ्चालन नाफा १२ करोड २२ लाख बढाएर ५४ करोड ८ लाख आर्जन गरेको छ ।
नाफा बढेसँगै लघुवित्तको प्रतिसेयर आम्दानी ५२ रुपैयाँ ५३ पैसाबाट ६८ रुपैयाँ ८६ पैसा पुगेको छ । लघुवित्तको प्रतिसेयर नेटवर्थ २८४.०५ रुपैयाँ, र मुल्य आम्दानी अनुपात १८.०१ गुणाा रहेको छ ।
