सूर्या लाइफको लिलामी शेयरमा आवेदन दिने आज अन्तिम दिन

Aug 08, 2018 Merolagani

सूर्या लाइफ इन्स्योरेन्स कम्पनी(SLICL) ले लिलाममा ल्याएको शेयरमा आवेदन दिने बुधवार (साउन २३) अन्तिम दिन रहेको छ । कम्पनीले साउन १६ गतेदेखि हकप्रदमा नबिकेको संस्थापक समूह तर्फको ३ हजार २ सय ८९ कित्ता र सर्वसाधारण समूहतर्फको ७१ हजार ९५ कित्ता गरी कुल ७४ हजार ३८४ कित्ता शेयर लिलामीमा राखेको हो ।

लिलामी शेयरको न्यूनतम मूल्य एक सय रुपैयाँ तोकिएको  छ । ईच्छुक लगानीकर्ताले न्यूनतम एक सय रुपैयाँ वा सो भन्दा बढी मूल्य अंकित गरी बोलकबोल गर्नपर्ने हुन्छ ।

संस्थापक तर्फको शेयर खरिदका लागि न्यूनतम १ सय कित्तादेखि ३ हजार २ सय ८९ कित्ता र सर्वसाधारणको लागि २० हजार कित्ताको लागि आवेदन दिन सकिने व्यवस्था रहेको विक्री प्रबन्धकमा एनआईसी एशिया क्यापिटलले जनाएको छ ।

लगानीकर्ताले बिक्री प्रबन्धक एनआइसी एसिया क्यापिटल बबरमहल काठमाडौं तथा सूर्या लाइफको वीरगञ्ज, नेपालगञ्ज, बुटवल, पोखरा, धनगढी, महेन्द्रनगर र इटहरी शाखाबाट आवेदन दिन सक्नेछन् ।

कम्पनीले गत बैशाख ३१ देखि असार ३ गतेसम्म हकप्रद शेयर बिक्री गरेको थियो ।

मंगलबार सूर्या लाइफको प्रतिकित्ता शेयर ५ सय ४७ रुपैयाँमा कारोबार भएर बजार बन्द भएको थियो ।

comments powered by Disqus

अब निक्षेप सदस्यबाटै घरयासी नामसारी हुने, यस्ता छन् आवश्यक कागजात

Oct 20, 2018

सिडिएस एण्ड क्लियरिङ्ग लिमिटेडले धितोपत्र केन्द्रीय निक्षेप सेवा विनियमावलीलाई तेस्रो पटक संसोधन गर्दै शेयर नामसारी प्रणालीलाई सहज बनाएको छ। शेयर लगानीकर्ताले घरयासी र मृत्यु नामसारीका लागि आफूले हितग्राही खाता खाेलेकाे लाइसेन्सप्राप्त निक्षेप सदस्य (डीपी) बाटै आवश्यक प्रक्रिया पूरा गरेर नामसारी सेवा लिनसक्ने सिडिएससीले जनाएको छ ।