नाफा बढाउँदा पनि उन्नतिको यसकारण घट्यो प्रतिसेयर आम्दानी

Aug 09, 2018 Merolagani

उन्नति माइक्रोफाइनान्स (UMB) को अघिल्लो आर्थिक बर्षको तुलनामा खुद नाफा ३६ लाख ९ हजार रुपैयाँले वृद्धि भएको वित्तीय विवरण सार्वजनिक गरेको छ । आईपिओ जारीपछि बढेको चुक्ता पूँजीको अनुपातमा नाफा बढ्न नसक्दा लघुवित्तको प्रतिसेयर आम्दानीमा भने ६ रुपैयाँ ६५ पैसा गिरावट आएको हाे ।

अघिल्लो आर्थिक बर्षमा १ करोड ६९ लाख रुपैयाँ खुद नाफा कमाएको उन्नति माइक्रोफाइनान्सले गत असार मसान्तसम्म २ करोड ५ लाख रुपैयाँ खुद नाफा आर्जन गरेको छ । लघुवित्तले २१.३० प्रतिशतले खुद नाफा बढाएको हो ।  

गत पुसमा एक करोड ६५ लाखको साधारण सेयर जारी पश्चात माईक्रोफाइनान्सको चुक्ता पूँजी ५ करोड ५० लाख रुपैयाँ पुगेको छ । 

पूँजी बढे अनुरूप व्यवसाय विस्तार हुन नसक्दा कम्पनीकाे  माईक्रोफाइनान्सको प्रतिशेयर आम्दानी  ४४ रूपैयाँ १ पैसाबाट ३७ रुपैयाँ ३७ पैसामा संकुचन हुन पुगेकाे छ । 

माइक्रोफाइनान्सले जगेडा कोषमा दुई करोड ३ लाख रुपैयाँले सुधार गरेर ३ करोड ५१ लाख रुपैयाँ सञ्चित छ । समीक्षा अवधिमा लघुवित्तले ३३ करोड ३५ लाख रुपैयाँ निक्षेप संकलन र बैंकहरुबाट ८५ करोड २४ लाख सापटी लिएर एक अर्ब १८ लाख रुपैयाँ कर्जा प्रवाह गरेको छ । 

माईक्रोफाइनान्सले ६ करोड ५० लाख रुपैयाँ खुद ब्याज आम्दानी गरेको छ । यो अघिल्लो बर्षको ष्यसै अवधिको तुलनामा एक करोड ३५ लाख बढी हो ।

माइक्रोफाईनान्सले कर्मचारी खर्चमा ३ करोड ६७ लाख रुपैयाँ र अन्य सञ्चालन खर्च १ करोड ९७ लाख रुपैयाँ खर्च गरेपछि सञ्चालन नाफा ३ करोड १५ लाख रुपैयाँ भएको छ ।

यस अवधिमा माईक्रोफाइनान्सको निष्कृय कर्जा अनुपात बढेर ०.६२ प्रतिशत पुगेको छ । उसकाे प्रतिशेयर नेटवर्थ १६३. रुपैयाँ ९६ पैसा र मूल्य आम्दानी अनुपात ४९.२३ गुणा रहेको छ ।

comments powered by Disqus

अब निक्षेप सदस्यबाटै घरयासी नामसारी हुने, यस्ता छन् आवश्यक कागजात

Oct 20, 2018

सिडिएस एण्ड क्लियरिङ्ग लिमिटेडले धितोपत्र केन्द्रीय निक्षेप सेवा विनियमावलीलाई तेस्रो पटक संसोधन गर्दै शेयर नामसारी प्रणालीलाई सहज बनाएको छ। शेयर लगानीकर्ताले घरयासी र मृत्यु नामसारीका लागि आफूले हितग्राही खाता खाेलेकाे लाइसेन्सप्राप्त निक्षेप सदस्य (डीपी) बाटै आवश्यक प्रक्रिया पूरा गरेर नामसारी सेवा लिनसक्ने सिडिएससीले जनाएको छ ।