राधी विद्युतको नाफा घट्यो, गत बर्षको कमाई चार करोड ९८ लाख

Aug 09, 2018 Merolagani

राधी विद्युत कम्पनी(RADHI) ले नाफा ४० लाख रुपैयाँले घटेको छ । अघिल्लो आर्थिक वर्षमा चौथाे त्रैमासमा ५ करोड ५८ लाख रुपैयाँ खुद नाफा गरेको कम्पनीले गत आर्थिक वर्षको यसै अवधिमा ४ करोड ९८ लाख रुपैयाँ मात्रै खुद नाफा गरेको विवरण सार्वजनिक गरेको छ ।

चूक्ता पुँजी ४५ करोड १० लाख ४ हजार रुपैयाँ रहेको कम्पनीको जगेडा कोष तथा संचित नाफामा ९ करोड ४० लाख रुपैयाँ छुट्टाएको छ ।

कम्पनीले विद्युत बिक्रिवाट १३ करोड ७६ लाख र अन्य स्रोतवाट १ करोड ३५ लाख रुपैयाँ आम्दानी गरेको छ । यस्तै संचालन खर्च २ करोड १६ लाख, प्रशासनिक खर्च १ करोड ४९ लाख, ह्रासकट्टिका लागि २ करोड १ लाख, ब्याज खर्च ३ करोड ९९ लाख र प्रस्तावित कर्मचारी बोनसका लागि १० लाख ६४ हजार रुपैयाँ गरी कुल ९ करोड ७८ लाख रुपैयाँ खर्च भएको कम्पनीले प्रतिबेदनमा उल्लेख गरेको छ ।

कम्पनीको प्रतिशेयर आम्दानी ११.०५ रुपैयाँ, प्रति शेयर नेटवर्थ १२०.८६ रुपैयाँ र मूल्य आम्दानी अनुपात १९.९१ गुणा रहेको छ ।

नेपाल विद्युत प्रधिकरणको ३३ के.भी प्रसारण लाइनमा आइराख्ने समस्याका कारणवाट विद्युत बिक्री घट्न गएको र खोलामा पानीको प्रवाह घट्दा त्यसको असर विद्युत उत्पादनमा परेको कम्पनीले जनाएको छ ।

 

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।