स्वदेशी लघुवित्तका शेयरधनीले थप शतप्रतिशत पूँजी जुटाउनुपर्ने

Aug 10, 2018 Merolagani

स्वदेशी लघुवित्त (SDESI) का सेयरधनीलाई शतप्रतिशत हकप्रदको बोझ थपिने भएको छ । लघुवित्तले शतप्रतिशत हकप्रद जारी गर्न नियामक निकाय नेपाल धितोपत्र बोर्डमा गत चैत ४ गते निवेदन मागेकाेमा बाेर्डले साउन २४ गत बिहीबार अनुमति प्रदान गरेको छ ।

बोर्डले लघुवित्तलाई एक बराबर एक अनुपातमा ११ करोड ५० लाख रुपैयाँको ११ लाख ५० हजार कित्ता हकप्रद निष्काशन गर्न अनुमति दिएको हो । चालू आर्थिक बर्षमा हकप्रद स्वीकृती पाउने स्वदेशी लघुवित्त पहिलो कम्पनी बनेको छ । 

हकप्रद जारी गर्न लघुवित्तले यसअघि नै एनआईसी एशिया क्यापिटलसँग हकप्रद निष्काशन सम्बन्धी सम्झौता गरिसकेको छ । अब कम्पनीले हकप्रद जारी गर्न सेयरधनी किताब बन्द गर्ने मिति निर्धारण गर्नेछ । हकप्रद भर्न नचाहनेले भने बुकक्लाेज अघि नै सेयर बिक्री गरेर हकप्रदकाे बाेझबाट उन्मुक्त्ति पाउन सक्नेछन् ।

लघुवित्तको हाल कायम चुक्ता पूँजी ११ करोड ५० लाख रहेको छ । शतप्रतिशत हकप्रद पश्चात स्वदेशीको चुक्त्ता पूँजी २३ करोड रुपैयाँ पुग्नेछ ।

गत अार्थिक वर्षमा स्वदेशीले ३ कराेड ७७ लाख खुद नाफा अार्जन गरेर प्रतिसेयर अाम्दानी ३२ रूपैयाँ ८ पैसा कायम गरेकाे छ । कम्पनीकाे सेयरमूल्य बिहीबार प्रतिकित्ता एक हजार ५६१ रूपैयाँमा काराेबार भएकाे छ ।

comments powered by Disqus

शिवम् सिमेन्टको आईपिओमा २८ करोड ७१ लाखको आवेदन, युनिर्भसल पावरको के हुँदैछ ?

Feb 19, 2019

शिवम् सिमेन्टले फागुन ६ देखि प्रिमियम मूल्यमा निष्काशन गरेको साधारण शेयरमा २८ करोड ७१ लाख ६९ हजार रुपैयाँ बराबरको आवेदन परेको छ। बिक्री प्रबन्धक सिद्धार्थ क्यापिटलका अनुसार मंगलबार बिहानसम्ममा ७ हजार ७९२ आवेदनबाट ९ लाख ५७ हजार २३० कित्ता शेयर माग भएको हो।