कम्पनी संचालक समितिको शुक्रबार बसेको बैठकले उक्त निर्णय गरेको हो । कम्पनीले साउन २५ गतेसम्म कायम रहेको संस्थापक सेयरधनी लगतका आधारमा समानुपातिक रुपमा सेयर परिवर्तन गरिएको जनाएको छ ।
अब नेपाल लाइफमा संस्थापक शेयरधनीको हिस्सा ६० प्रतिशत तथा साधारण शेयरधनीको हिस्सा ४० प्रतिशत कायम हुनेछ । यसअघि कम्पनीमा संस्थापकको ७० प्रतिशत र साधारण शेयरधनीको ३० प्रतिशत शेयर रहेको थियो ।
संस्थापक हिस्सा १० प्रतिशतले घटाउँदा करिब ३० लाख ७३ हजार कित्ता सर्वसाधारणमा शेयर थपिने भएको छ ।
हाल नेपाल लाइफको ४ करोड ३९ लाख ६९ हजार २८६ कित्ता सेयर नेप्सेमा सूचीकृत छ । कम्पनीको चूक्ता पूँजी चार अर्ब ३९ करोड छ ।