नेपाल फाइनान्सीङ रिपोटिङ स्ट्याण्र्डर्ड (एनएफआरएस) अनुसार गत आर्थिक बर्षको अन्त्यसम्म बैंकले एक अर्ब ८७ करोड खुद नाफा गरेको छ । जुन अघिल्लो बर्षको तुलनामा झण्डै २० प्रतिशत बढी हो । अघिल्लो बर्ष बैंकले एक अर्ब ५६ करोड खुद नाफा गरेको थियो ।
एनएफआरएस अनुसार बैंकको वितरण योग्य नाफा भने एक अर्ब ३४ करोड छ । बैंकले राष्ट्र बैंकको निर्देशन अनुसार नियामकीय व्यवस्था अन्तर्गत ५४ करोड ६३ लाख छुट्याएको छ ।
बैंकले यस अवधिमा ६ अर्ब ९२ करोड रहेको चुक्तापूँजी ८ अर्ब नघाएको छ । चुक्तापूँजी बढेको अनुपातमा बैंकको कमाई बढ्दा प्रतिसेयर आम्दानी सन्तुलनमा रहेको छ । बैंकको प्रतिशेयर आम्दानी २३ रुपैयाँ ३२ पैसा छ । गतबर्षको यही अवधिमा बैंकको प्रतिसेयर आम्दानी २२ रुपैयाँ ६० पैसा थियो ।
बैंकले निक्षेप र कर्जाको आकार सामान्य बढाएको छ । कर्जाको वृद्धिको तुलनामा निक्षेपको वृद्धि कमजोर रहेको छ । बैंकले ब्याज आम्दानी बढाएपनि ब्याज खर्च झन धेरै बढेको छ । यसअवधिमा बैंकले ४ अर्ब १२ खुद ब्याज आम्दानी गरेको छ । जुन अघिल्लो बर्षको भन्दा करिब ३८ प्रतिशत बढी हो ।
बैकले यसअवधिमा ८४ अर्ब २१ करोड निक्षेप उठाएर ७५ अर्ब ८८ करोड कर्जा प्रवाह गरेको छ । बैंकको सिसिडि ७४.३८ प्रतिशत छ । जसले गर्दा अझै पनि बैंक केही कर्जा विस्तार गर्न सक्ने अवस्थामा देखिन्छ ।
यस अवधिमा बैंकको खराब कर्जा केही बढेको छ । बैंकको खराब कर्जा ०.२० प्रतिशत देखाएको छ । प्रतिसेयर आम्दानी २३ रुपैयाँ ३२ पैसा रहेको प्रतिसेयर नेटवर्थ १५९ रुपैयाँ एक पैसा छ ।
बैंकको कोषको लागत ५.४५ प्रतिशत छ भने आधार दर १०.१२ प्रतिशत तथा मूल्य आम्दानी अनुपात २१.४० गुणा बढी छ । यसअवधिमा बैंकको जगेडाकोषको आकार समेत केही बढाएर ४ अर्ब ७४ करोड पुर्याएको छ ।