बैंकले मानिसहरुको घरघडेरी जोड्ने तथा उच्च शिक्षा हासिल गर्ने सपना केवल पुँजीको अभावमा पुरा हुन नसकेको कुरालाई मध्यनजर गरी बैंकले उक्त योजनाहरु ल्याएको जनाएको छ ।
सो योजना मार्फत ग्राहकहरुले घर कर्जामा ५ लाख देखि ५ करोड रुपैयाँसम्मको कर्जा र ५ लाख देखि १ करोड रुपैयाँसम्मको शैक्षिक कर्जा प्राप्त गर्न सक्नेछन् । उल्लेखित कर्जाहरु बैंकका सम्पूर्ण शाखाहरुबाट मात्र वार्षिक १२.९९ प्रतिशतको सर्वसुलभ ब्याजदरमा प्रवाह गरिने बैंकले उल्लेख गरेको छ ।
२० वर्ष सम्मको अधिकतम अवधिको किस्तामा उपलब्ध हुने महालक्ष्मी घर कर्जा अन्तर्गत, ग्राहकले आवासीय जग्गा, तयारी घर वा अपार्टमेन्ट खरिद, घर निर्माण वा मर्मत सम्भार गर्न सक्नु हुनेछ । यो सुबिधा अन्तर्गत कर्जा स्वाप गर्न पनि सकिनेछ ।
महालक्ष्मी शैिक्षक कर्जामा भने स्वदेश वा विदेशमा अध्ययन गर्न चाहने विद्यार्थीवर्गले आफ्ना लागि वा अभिभावकले आफ्ना बालबच्चाका लागि उल्लेखित कर्जा लिन सक्नेछन । यस कर्जा अन्तर्गत पहिलो ५ वर्षसम्म ब्याज मात्र बुझाए पुग्नेछ ।
देशका शहरी तथा ग्रामीण क्षेत्रमा विभिन्न स्थानहरुमा ७३ वटा शाखा तथा ३५ वटा एटिएमहरुमार्फत सेवा प्रदान गरिरहेको महालक्ष्मी विकास बैंक लि. को ग्राहक संख्या ४ लाख ४० हजार भन्दा बढी रहेको छ ।