समताको ५० प्रतिशत र मिर्मिरे माइक्रोको शतप्रतिशत हकप्रद भर्ने आज अन्तिम दिन

Aug 14, 2018 Merolagani

आज मंगलबार साउन २९ गते समता माइक्रोफाइनान्स र मिर्मिरे लघुवित्तको हकप्रदमा आबेदन दिने अन्तिम दिन हो । समता माइक्रोफाइनान्सको ५० प्रतिशत र मिर्मिरे लघुवित्तले शतप्रतिशत हकप्रदको शेयरको बिक्री गत असार २७ गते देखि खुल्ला गरेका थिए ।

समता माइक्रोफाइनान्स

समता माइक्रोफाइनान्सले गत असार २७ देखि ५० प्रतिशत अर्थात दुई बराबर एकको अनुपातमा एक लाख ८९ हजार ६०० कित्ता हकप्रद शेयर निष्काशन गरेको थियो ।

समताको हकप्रद सेयरको बिक्री प्रबन्धकमा एनआईबिएल एस क्यापिटल रहेको छ ।

कम्पनीको हकप्रदमा जेठ ११ गतेसम्म कायम रहेका सेयरधनीले आवेदन गर्न पाउनेछन् ।

शेयरधनीले हकप्रदमा धितोपत्र बोर्डबाट आश्वा अनुमति प्राप्त सम्पूर्ण बैंक तथा वित्तीय संस्थाबाट आवेदन गर्न सक्नेछन् । त्यसका अलवा सेयरधनीले विक्री प्रबन्धकको केन्द्रीय कार्यालय तथा शाखा कार्यालय र लघुवित्तको केन्द्रीय कार्यालय सिमरा बाराबाट पनि हकप्रदमा भर्न सक्नेछन् ।

लघुवित्तको चुक्ता पूँजी तीन करोड ७९ लाख २० हजार रुपैयाँ रहेको छ । ५० प्रतिशत हकप्रद पश्चात चुक्ता पूँजी पाँच करोड ६८ लाख ८० हजार रुपैयाँ पुग्नेछ ।

मिर्मिरे लघुवित्त

मिर्मिरे लघुवित्तको शतप्रतिशत हकप्रदमा आबेदन दिने पनि आज मंगलबार अन्तिम दिन हो । असार २७ गते निष्काशन गरेको चार करोड ५० लाख रुपैयाँ बराबरको चार लाख ५० हजार कित्ता हकप्रद सेयरमा आज कार्यालय समय भित्र आबेदन दिन सकिनेछ ।

हकप्रदको बिक्री प्रबन्धकमा एनआइबिएल एस क्यापिटल रहेको छ । हकप्रदमा जेठ १७ गतेसम्म कायम रहेका सेयरधनीले हकप्रदमा आवेदन गर्न पाउनेछन् । धितोपत्र बोर्डबाट आश्वा अनुमति प्राप्त जुनसुकै बैंक तथा वित्तीय संस्थाबाट हकप्रदमा आवेदन गर्न सकिनेछ ।

त्यसका अलवा सेयरधनीले विक्री प्रबन्धकको केन्द्रीय कार्यालय तथा शाखा कार्यालय र लघुवित्तको केन्द्रीय कार्यालय बनेपा काभ्रे तथा नेपाल इन्भेष्टमेन्ट बैंकको शाखा कार्यालयहरु विराटनगर, बीरगञ्ज, नारायणगढ, नेपालगञ्ज, बुटबल र धनगढी र शाखा कार्यालयबाट समेत हकप्रदमा आवेदन गर्न सकिनेछ ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।