राष्ट्र बैंकको व्यवस्था अनुसार आर्थिक बर्ष २०७४/७५ मा बैंकले एक अर्ब ८६ करोड ६६ लाख नाफा कमाएकोमा १७ करोड २९ लाख ९६ हजार रेगुलेटरी एड्जस्टमेन्ट पश्चात बैंकले एक अर्ब ६९ करोड ३६ लाख रुपैयाँ लाभांश क्षमता बनाएको हो ।
यो रकम बैंकले केन्द्रिय बैंकले तोकेको प्रावधान अनुसार तोकिएका शिर्षकहरुमा व्यवस्था पश्चात सेयरधनीलाई लाभांश वितरणमा उपयोग गर्न सक्छ ।
नेपाल फाइनान्सियल रिपोर्टिङ स्ट्याण्डर्ड (एनएफआरएस) तथा पुरानो दुबै मोडलमा वित्तीय विवरण प्रकाशित गरेको छ । एनएफआरएस अनुसार बैंकको चुक्ता पूँजी आठ अर्ब १२ लाख रुपैयाँ र प्रतिशेयर आम्दानी २१ रुपैयाँ १७ पैसा कायम भएकाे छ । बैंकको जगेडा कोषमा ३ अर्ब २८ करोड ८२ लाख सञ्चित रहेको देखाएको छ । बैंकले अघिल्लाे अावकाे तुलनामा ६६ करोड ८७ लाख रुपैयाँले जगेडा बढाएको हो ।
समीक्षा अवधिमा बैंकले ७९ अर्ब १९ करोड ६३ लाख रुपैयाँ निक्षेप संकलन गरेर ७० अर्ब २ करोड ६३ लाख कर्जा लगानी गरेको छ । बैंकले ८ अर्ब ५ करोड ३३ लाख ब्याज आम्दानी गरेर ५ अर्ब ०९ करोड २४ लाख ब्याज खर्च गरेको छ । जसबाट उसले २ अर्ब ९६ करोड ८ लाख खुद ब्याज आम्दानी गरेको छ ।
बैंकको खराब कर्जा ०.०१ बाट बढेर ०.०३ प्रतिशतमा उक्लेको छ। उसकाे प्रतिसेयर नेटवर्थ १३४ रुपैयाँ ३१ पैसा र मूल्य आम्दानी अनुपात १५.३१ गुणा कायम भएको छ । त्यस्तै बैंकको आधार ब्याजदर १०.६६ प्रतिशत र कोषको लागत ७.४२ प्रतिशतमा बढेको छ ।
