यस अवधिमा नेपाल लाइफले ४७ करोड ९२ लाख रुपैयाँ खुद नाफा गरेको छ । यो बीमांकीय मूल्याकंन अघिको नाफा हो । यो नाफा गत बर्षको भन्दा १५ प्रतिशत बढी हो । अघिल्लो वर्ष लेखापरिक्षण हुनु भन्दा अघिको नाफा ४१ करोड रुपैयाँ थियो ।
यस अवधिमा कम्पनी आम्दानी ३१ करोड रुपैयाँले घटेर ९९ करोड २२ लाख रुपैयाँमा सिमित भएको छ । अघिल्लो आर्थिक वर्षको यस अवधिमा कम्पनीले १ अर्ब ३० करोड ७९ लाख रुपैयाँ आम्दानी गरेको थियो । यस्तै कम्पनीको खर्च भने २१ करोड रुपैयाँले बढेको छ ।
कम्पनीको जीवनकोष ११ अर्बले बृद्धि गरेर ५० अर्ब ४९ करोड २२ लाख रुपैयाँ पुर्याएको छ । अघिल्लो वर्षको यस अवधिमा ३९ अर्ब ५४ करोड रुपैयाँ रहेको थियो । महाविपत्ति कोषमा ३७ करोड ३३ लाख रुपैयाँ सञ्चित छ । कम्पनीको जगेडा कोष चार अर्ब ३४ करोडबाट तीन अर्ब ४७ करोडमा झरेको छ ।
नेपाल लाइफले अघिल्लो आर्थिक बर्षको चौथौं त्रैमासमा तीन अर्ब ९ करोड ६४ लाख चुक्ता पूँजी कायम गरेकोमा यस बर्षको सोही अवधिसम्म चुक्ता पूँजी चार अर्ब ३९ करोड ६९ लाख पुर्याएको छ ।
हाल कम्पनीको ११ लाख ५२ लाख ८६० वटा बीमालेखहरु जारी गरिएका छन् । १६ अर्ब १७ करोड कुन बीमा शुल्क संकलन गरेको कम्पनीले ३८ हजार ४९९ दाबी संख्याको ६ अर्ब २१ करोड रुपैयाँ बराबरको दाबी भुक्तानी गरेको छ । यस्तै एक अर्ब ५५ करोड रुपैयाँको दाबी भुक्तानी हुन बाकिँ रहेको वित्तीय विवरण प्रस्तुत गरेको छ ।
कम्पनीको प्रतिशेयर आम्दानी १०.९० रुपैयाँ, प्रति शेयर नेटवर्थ १८७.०७ रुपैयाँ र मूल्य आम्दानी अनुपात ९६.३३ गुणा रहेको छ ।