गत आर्थिक वर्षमा प्रभु इन्स्योरेन्सले २२ करोड १५ लाख रुपैयाँ खुद नाफा गरेको छ । अघिल्लो आर्थिक वर्षमा उसले १६ करोड ४७ लाख रुपैयाँ रहेको थियो ।
४३ करोड रुपैयाँको खुद बीमा शुल्कम आर्जन गरेको इन्स्योरेन्सले पुनर्बीमा कमिशनबाट झण्डै १४ करोड रुपैयाँ आम्दानी गरेको छ । १२ करोड रुपैयाँको दाबी भुक्तानी गरेको इन्स्योरेन्सले अभिकर्तालाई २ करोड रुपैयाँ कमिशन वितरण गरेको छ ।
चुक्ता पूँजी ५७ करोड ७५ लाख रुपैयाँबाट बढाएर ६८ करोड ८४ लाख रुपैयाँ पुर्याएको इन्स्योरेन्सले बीमा कोषको आकार २० करोड रुपैयाँले बढाएको छ । अघिल्लो आर्थिक वर्षमा १४ करोड मात्रै रहेको बीमा कोष गत असार मसान्तसम्ममा ३४ करोड पुगेको छ । कम्पनीको जगेडा कोषमा २१ करोड रुपैयाँ सञ्चित छ ।
प्रभु इन्स्योरेन्सको प्रति शेयर आम्दानी ३२ रुपैयाँ तथा मूल्य आम्दानी अनुपात ३५ गुणा बढी छ भने प्रति शेयर नेटवर्थ २१४ रुपैयाँ छ ।