सूचीकृत कम्पनीहरुले बोनसको भन्दा नगद लाभांश वितरणमा जोड दिन थालेपछि नगद लाभांश प्रस्ताव गर्ने कम्पनीको शेयर बिक्रीमा चाप परेको छ । अधिकांस बैंक तथा वित्तीय संस्थाहरुले तोकिएको चुक्ता पूँजी पुर्याईसकेको अवस्थामा बोनस शेयर कम आउने आँकलनले पनि लाभांश घोषणाको सिजनमा समेत बजार बढ्न सकेको छैन ।
अघिल्लो वर्ष २० प्रतिशत बोनस शेयर दिएको वोमीले २५ प्रतिशत नगद लाभांश घोषणा गरेपछि शेयरमूल्यमा दश प्रतिशतको गिरावट आएको हो । कम्पनीको शेयरमूल्य प्रतिकित्ता १२७ रुपैयाँले घटेर ११४३ रुपैयाँमा झरको छ ।
दश करोड दश लाख रुपैयाँ चुक्ता पूँजी रहेको माइक्रोफाइनान्सको ६ करोड ५४ लाख रुपैयाँ जगेडा कोषमा सञ्चित छ । माइक्रोफाइनान्सको प्रतिशेयर आम्दानी ३९ रुपैयाँ ०८ पैसा रहेको छ । कम्पनीकोे मुल्य आम्दानी अनुपात ३५.४४ गुणा र प्रतिसेयर नेटवर्थ १६४ रुपैयाँ ७६ पैसा रहेको छ ।