सो सेवा प्रदान गर्ने सम्बन्धि सम्झौतामा क्यापिटलका तर्फबाट कामु प्रमुख कार्यकारी अधिकृत सुमन अाचार्य र इ सेवाको तर्फबाट मार्केटिङ्ग अफिसर भिष्म आचार्यले हस्ताक्षर गरेका छन् ।
सम्झौतासँगै सिभिल क्यापिटलमा डिम्याट खाता रहेका खातावालाले घरमै बसेर इ सेवा मार्फत बार्षिक सञ्चालन शुल्क बुझाउन सक्नेछन् ।
सिभिल क्यापिटलमा डिम्याट रहेका खातावालाले बार्षिक शुल्क वापतको सानो रकमको भुक्तानीका लागि क्यापिटलमा धाउनुपर्ने अवस्थाको अन्त्य हुने क्यापिटलले जनाएको छ । हालसम्म यस्तो शुल्क सिभिल बैंक वा क्यापिटलको कार्यालयमा गएर बुझाउनुपर्ने अवस्था रहेको थियो ।
निक्षेप सदस्यमा हितग्राही खाता खाेलेका प्रत्येक खाताधारकले बार्षिक खाता सञ्चालन शुल्क वापत बार्षिक एक सय रुपैयाँ र मेरो सेयर प्रयोग वापत बार्षिक ५० रुपैयाँ शुल्क बुझाउनुपर्ने व्यवस्था रहेको छ ।
