ग्रामीण विकास लघुवित्तकाे खुद नाफा ३१ प्रतिशतले सुधारियो

Aug 16, 2018 Merolagani

ग्रामीण विकास लघुवित्त (GBLBS) को खुद नाफा आर्थिक बर्ष २०७४/७५ मा १६ करोड ८४ लाख रुपैयाँ पुगेको छ । अघिल्लो बर्ष यसै अवधिमा लघुवित्तको खुद नाफा १२ करोड ८३ लाख रुपैयाँ रहेकोमा ३१.३० प्रतिशतले सुधार आएको हाे ।

६५ करोड ५० लाख रुपैयाँ चुक्ता पूँजी रहेको कम्पनीको प्रतिसेयर आम्दानी २५ रुपैयाँ ७१ पैसा कायम भएको छ । कम्पनीले १४ करोड दुई लाखको जगेडा कोष बढाएर ३० करोड ८७ लाख रुपैयाँ सञ्चित गरेको छ ।

समिक्षा अवधिमा लघुवित्तले दुई अर्ब ७४ करोड ४६ लाख रुपैयाँ निक्षेप संकलन र चार अर्ब ७८ करोड सापटी लिएर आठ अर्ब ६६ करोड १४ लाख रुपैयाँ कर्जा प्रवाह गरेको छ ।

लघुवित्तको कोषको लागत ६.४४ प्रतिशतबाट ९.१७ प्रतिशतमा बढेपछि ब्याज खर्च बढ्दा खुद ब्याज आम्दानी १२ करोड ७७ लाखले घटेको छ । कम्पनीले अघिल्लो बर्ष एक अर्ब ३६ लाख आर्जन गरेकोमा ८७ करोड ५९ लाखमा झरेको हो ।

खुद ब्याज आम्दानी घटेपनि कर्मचारी खर्च नियन्त्रण गर्दे खराब कर्जा असुलीबाट पाँच करोड ५० लाख असुली गर्दा लघुवित्तको खुद नाफा भने बढेको हो । यद्यपी ४.२० प्रतिशत खराब कर्जा अनुपात कम्पनीमा रहेकाले यसको नियन्त्रण आवश्यक देखिन्छ ।

लघुवित्तको मूल्य आम्दानी अनुपात २३.८४ गुणा र प्रति सेयर नेटवर्थ १४७ रुपैयाँ १४ पैसा रहेको छ ।

यसरी प्रयोग गर्नुहोस डाटा एनालिटिक्स

comments powered by Disqus

माथिल्लो तामाकोशीको शेयर: आईपिओ भर्नेले जिते कि दोस्रो बजारका कारोबारीले ?

Jan 23, 2019

ठूलो संख्यामा सर्वसाधारणमा शेयर निष्काशन गरेको माथिल्लो तामाकोशी जलविद्युत आयोजना (UPPER) को शेयरमा आईपिओ भरेका धेरै लगानीकर्ता अहिले अलमलमा परेका छन्। दोस्रो बजारका कारोबारीहरुको नियन्त्रणमा केहि दिन कम्पनीको शेयर कारोबार हुँदा आईपिओका आवेदक भने अलमलमा परेका हुन् ।