ग्रामिण विकास लघुवित्तले पनि ढिलो सार्वजनिक गर्यो हकप्रद प्रस्तावकाे सूचना

Aug 17, 2018 Merolagani

ग्रामिण विकास लघुवित्त (GBLBS) पनि सूचना प्रवाहकाे सवालमा कमजाेर देखिएकाे छ । कम्पनी सञ्चालक समितिको बैठकले विशेष साधारण सभामा पचास प्रतिशत हकप्रद बिक्रीको प्रस्ताव लैजाने निर्णय साउन २९ गते मंगलबारै गरेपनि नेप्सेमा दुर्इ काराेबार दिन ढिला गरि सूचना सार्वजनिक गरेको हाे । 

लघुवित्तको साउन २९ गते मंगलबार बसेको सञ्चालक समितिले पचास प्रतिशत हकप्रद जारी गर्न विशेष साधारण सभा बोलाउने निर्णय गरेकाे थियाे । सूचीकृत कम्पनीकाे मूल्यमा प्रभाव पार्ने  सूचना कम्पनीले सार्वजनिक गर्न ढिला गर्दा भित्री कारोबारमा समेत सहयोग पुग्ने गरेको छ ।

लघुवित्तले चुक्ता पूँजी ६५ करोड ५० लाख रुपैयाँको  एक बराबर ०.५० प्रतिशत हकप्रद बिक्री गर्ने प्रस्ताव राखेर अगामी असोज ५ गते एशियन हल बुटवलमा बिहान ११:३० बजे विशेष साधारण सभा बोलाएको छ । 

असोज ५ गते डाकेको विशेष साधारण सभाका लागि यहि भदौ १८ गतेदेखि सभाको दिनसम्म सेयरधनी किताब बन्द गर्ने भएको छ । यसअनुसार भदौ १७ गते आइतबारसम्म कायम रहेका लघुवित्तका सेयरधनीले सभामा सहभागिता जनाउन सक्नेछन् ।

हकप्रद पश्चात कम्पनीको पूँजी ९८ करोड २५ लाख रुपैयाँ पुग्नेछ ।

पाँच कम्पनीहरु पूर्वाञ्चल विकास बैंक, मध्यमाञ्चल विकास बैंक, पश्चिमाञ्चल विकास बैंक, मध्यपश्चिमाञ्चल विकास बैंक, र सुदुर पश्चिमाञ्चल विकास बैंक गाभिएर नेपाल ग्रामिण विकास बैंक बनेको थियो । कम्पनीले राष्ट्र बैंकको निर्देशन अनुसार नाम परिवर्तन गरेर ग्रामिण विकास लघुवित्त वित्तीय संस्था लिमिटेड बनेको थियो ।

comments powered by Disqus

माथिल्लो तामाकोशीको शेयर: आईपिओ भर्नेले जिते कि दोस्रो बजारका कारोबारीले ?

Jan 23, 2019

ठूलो संख्यामा सर्वसाधारणमा शेयर निष्काशन गरेको माथिल्लो तामाकोशी जलविद्युत आयोजना (UPPER) को शेयरमा आईपिओ भरेका धेरै लगानीकर्ता अहिले अलमलमा परेका छन्। दोस्रो बजारका कारोबारीहरुको नियन्त्रणमा केहि दिन कम्पनीको शेयर कारोबार हुँदा आईपिओका आवेदक भने अलमलमा परेका हुन् ।