कम्पनीको कुल बीमा शुल्क आर्जन ३३ करोड ८३ लाख रुपैयाँले बढाएको छ । अघिल्लो आर्थिक वर्षको यस अवधिमा २६ करोड ३५ लाख रुपैयाँ कुल बीमा शुल्क आर्जन गरेको कम्पनीले गत आर्थिक वर्षमा ६० करोड १८ लाख रुपैयाँ बीमा शुल्क आर्जन गरेको हो ।
कम्पनीले यस अवधिमा खुद बीमा शुल्क १० करोड ५२ लाख रुपैयाँ आर्जन गरेको छ । अघिल्लो आर्थिक वर्षको यहि अवधिमा चार करोड ३५ लाख रुपैयाँको मात्र खुद बीमा शुल्क आर्जन गरेको थियो । यस्तै पुर्नबीमा कमिशनवाट ११ करोड २८ लाख रुपैयाँ आम्दानी गरेको इन्स्योरेन्सले लगानी, कर्जा तथा अन्य आयवाट एक कारेड १४ लाख रुपैयाँ आम्दानी गरेको छ ।
व्यवसाय बिस्तार भएसँगै इन्स्योरेन्सको व्यवस्थापन खर्च र अभिकर्ता कमिशनमा आएको बढोत्तरीले खुद नाफामा गिरावट आएको हो ।
यस अवधिमा कम्पनीले एक हजार ९०९ बीमा दाबी वापत ११ करोड ७० लाख रुपैयाँ भुक्तानी गरेको छ ।
यस्तै ४०९ दाबीका लागि ३४ करोड ९३ लाख रुपैयाँ भुक्तानी गर्न बाँकी छ । ५५ हजार ९६२ बीमालेख जारी गरेको एभरेष्टले २८२ बीमालेख नविकरण भएको छ ।
कम्पनीको प्रतिशेयर आम्दानी २७ रुपैयाँ ९० पैसा, प्रतिशेयर नेटवर्थ ३८२ रुपैयाँ ७२ पैसा र मुल्य आम्दानी अनुपात ८८.५२ गुणाले बढी छ ।
