न्यूनत्तम रु. ५० हजारको बीमाङ्कमै शुरु गर्न सकिने उक्त योजनामा बीमितले बीमा अवधीभर पटक–पटक किस्तामा भुक्तानी पाउने कम्पनीले जनाएको छ ।
त्यस्तै बीमित ९९ वर्ष पुरा हुन्जेल जीवितै रहेमा थप बीमाङ्क रकम भुक्तानी पाउने ,बीमितले बीमाको रकम भुक्तानी पाउन बीमा समाप्ती अवधीसम्म कुर्नु नपर्ने व्यवस्था गरिएको छ ।
बीमा अवधीका आधारमा बीमा शुरु भएको तीनबर्ष देखि नै किस्तामा बीमाङ्कको रकम शर्तसहित भुक्तानी पाउने कम्पनीको भनाई छ । बीमा अवधीभित्रै बीमितको मृत्यु भएमा परिवारजनले बाँकी बीमाशुल्क नतिरी नै बीमाङ्क रकम र आर्जित बोनश एकमुष्ठ भुक्तानी पाउने प्रमुख कार्यकारी अधिकृत राजेश कुमार श्रेष्ठले जानकारी दिए ।
कम्पनीको अधिकृत पूँजी ५ अर्ब र चुक्ता पूँजी १ अर्ब २५ करोड ६७ लाख रहेको छ । यसअघि १८ वटा जीवन बिमा योजनाहरु प्रचलनमा ल्याएको यस कम्पनीले २८ वटा शाखा र ७१ वटा उपशाखामार्फत् देशैभर जीवन बीमा सेवा पु¥याइरहेको छ ।