बैंकले हकप्रद प्रयोजनका लागि गत साउन १५ गते मंगलबार शेयरधनी किताब बन्द गरेको थियो । यसअनुसार साउन १४ गतेसम्म कायम रहेका शेयरधनीले मात्र हकप्रद शेयरका लागि आवेदन दिन पाउनेछन् ।
हकप्रदमा भदौ ४ देखि असोज ७ गतेसम्म आवेदन गर्न सकिने बिक्री प्रवन्धक सनराइज क्यापिटल लिमिटेडले जनाएको छ ।
लगानीकर्ताले बिक्री प्रबन्धक सनराइज क्यापिटल कमलपोखरी तथा एनसीसी बैंकको प्रधान कार्यालयका साथै यसका सम्पूर्ण शाखाहरुबाट आवेदन दिन सक्नेछन् । यसैगरी, सी–आस्वामा सहभागी सबै बैंक तथा वित्तीय संस्थाबाट पनि हकप्रद भर्न सकिन्छ ।
बैंकले हकप्रद शेयरको बिक्रीबाट २ अर्ब ३३ करोड ९५ लाख २९ हजार १०० रुपैयाँ चुक्ता पुँजी जुटाउनेछ । चार अर्ब अर्ब ६७ करोड ९० लाख ५८ हजार रुपैयाँ चुक्ता पूँजी रहेको बैंकको हकप्रदपछि ७ अर्ब एक करोड ८५ लाख ८७ हजार रुपैयाँ पुग्नेछ ।
हकप्रदपछि ९९ करोड रुपैयाँ बराबरको सञ्चित नाफाबाट बोनस वितरण गरेर वा अन्य विकल्पबाट बैंकले आठ अर्ब रुपैयाँ चुक्ता पुर्याउन पर्नेछ ।
गत आर्थिक वर्षमा यस बैंकले १ अर्ब ७ करोड वितरणयोग्य नाफा कमाएको छ । बैंकको प्रतिसेयर आम्दानी २६ रुपैयाँ ५१ पैसा छ ।