लघुवित्त कम्पनीको भदौ १३ गते सम्पन्न सञ्चालक समितिको ६१ औं बैठकले एक बराबर एक अनुपातमा हकप्रद निष्काशनका लागि भदौ २५ गते सोमबार सेयरधनी किताब बन्द गर्ने निर्णय गरेको कम्पनी सचिव अशोक सुवेदीले जानकारी दिए ।
यसअनुसार भदौ २५ गतेसम्म सेयरधनी कायम रहेकाले हकप्रद भर्न पाउनेछन् ।
शतप्रतिशत हकप्रद जारी गर्न लघुवित्तले नियामक निकाय नेपाल धितोपत्र बोर्डमा गत चैत ४ गते निवेदन मागेकोमा बोर्डले साउन २४ गत बिहीबार अनुमति पाएको थियो ।
हकप्रद जारी गर्न लघुवित्तले एनआईसी एशिया क्यापिटललाई बिक्री प्रबन्धक तोकेको छ । लघुवित्तको हाल कायम चुक्ता पूँजी ११ करोड ५० लाख रहेको छ । शतप्रतिशत हकप्रद पश्चात स्वदेशीको चुक्त्ता पूँजी २३ करोड रुपैयाँ पुग्नेछ ।
गत आर्थिक वर्षमा स्वदेशीले ३ करोड ७७ लाख खुद नाफा आर्जन गरेर प्रतिसेयर आम्दानी ३२ रूपैयाँ ८ पैसा कायम गरेको छ । कम्पनीको सेयरमूल्य भदाै १४ गते बिहीबार प्रतिकित्ता एक हजार ५०० रूपैयाँ हाराहारीमा कारोबार भैरहेको छ ।
