नागरिक लगानी कोषका प्रमुख कार्यकारी अधिकृत रामकृष्ण पोख्रेलले आफ्नो पदबाट राजिनामा दिएपछि अर्याललाई कायम मुकायम दिइएको हो ।
नेपाल व्यवस्थापन संघ (म्यान) को महासचिव भएर लामो समय काम गरेका अर्याल यसअघि कोषकै मुख्य व्यवस्थापक पदमा कार्यरत थिए ।
कोषमा उनी अनुभवी व्यक्तित्वका रुपमा परिचित छन् । अर्याल वाणिज्य शास्त्रमा स्नाकोत्तर तथा कानूनमा स्नातक हुन् ।
यसअघि सरकारले नागरिक लगानी कोषका प्रमुख कार्यकारी अधिकृत रामकृष्ण पोख्रेललाई सन्तोषजनक कार्यसम्पादन नभएको भन्दै प्रष्टीकरण सोधेको थियो ।
