सात करोड २९ लाख ९४ हजाररुपैयाँ चुक्ता पूँजी भएको बैंकको जगेडा कोषमा ५ करोड ४६ लाख रुपैयाँ सञ्चित छ । असार मसान्त सम्म बैंकले ४८ करोड ८३ लाख रुपैयाँ निक्षेप संकलन गरेको छ । बैंकले ३६ करोड ८१ लाख रुपैयाँ कर्जा परिचालन गरेको छ ।
त्यसैगरी ६ करोड ६८ लाख रुपैयाँ ब्याज आम्दानी गरेको बैंकले ३ करोड १७ लाख रुपैयाँ ब्याज खर्च गरेको छ । बैंकको खुद ब्याज आम्दानी ३ करोड ५१ लाख रुपैयाँ रहेको छ । अघिल्लो बर्ष बैंकले तीन करोड ४१ लाख खुद ब्याज आम्दानी गरेको थियो ।
बैंकमा निष्कृय कर्जा अअनुपात ०.७९ प्रतिशत रहेको छ । बार्षिक प्रतिसेयर आम्दानी १६ रुपैयाँ ९६ पैसा रहेको बैंकको प्रतिसेयर नेटवर्थ १७४ रुपैयाँ ८८ पैसा र मुल्यआम्दानी अनुपात २७.१२ गुणा बढी रहेको छ ।
सहाराले गत जेठ ६ देखि असार २४ गतेसम्म चुक्ता पूँजीको २५० प्रतिशत बराबरको १८ लाख २४ हजार ८७० कित्ता हकप्रद सेयर बिक्री खुला गरेको थियो । यसमा करिब ४३ प्रतिशत मात्र सेयर बिक्री भएको छ भने ५७ प्रतिशत हकप्रद अवितरित भएको छ । बिक्री नभएको सेयर बैंकले लिलामी मार्फत बिक्री गर्नेछ ।
हकप्रद सेयर बिक्रीपछि सहाराको चुक्ता पुँजी २५ करोड ५४ लाख ८१ हजार रुपैयाँ पुग्नेछ ।