नेप्सेमा सूचीकृत नरहेको यस इन्स्योरेन्सले चौथो त्रैमास सम्ममा ८७ करोड ७३ लाख रुपैयाँ खुद बीमा शुल्क आर्जन गरेको छ । अघिल्लो आर्थिक वर्षको यस अवधिमा कम्पनीले ५६ करोड ९० लाख रुपैयाँ खुद बीमा शुल्क आर्जन गरेको थियो ।
कम्पनीको कुल बीमा शुल्क आर्जन भने ८७ करोड ७७ लाख रुपैयाँ छ । अघिल्लो आर्थिक वर्षको यस अवधिमा कम्पनीले ७५ करोड ७० लाख रुपैयाँ कुल बीमा शुल्क संकलन गरेको थियो ।
बीमा कोषमा ९८ करोड ९८ लाख सञ्चित राखेको कम्पनीको जगेडा कोष ३९ करोड २५ लाख रुपैयाँ ऋणात्मक रहेको छ ।कम्पनीकाे महाविपत्ती जगेडा कोषमा दुई करोड ६५ लाख रुपैयाँ सञ्चित छ ।
कम्पनीले पुर्नबीमा कमिशनवाट ९३ हजार रुपैयाँ मात्रै आम्दानी गरेको छ भने पुर्नबीमा खर्च भने ५७ लाख २८ हजार रुपैयाँ गरेको छ ।
यस अवधिमा कम्पनीले दुई हजार ४३७ कुल दाबी वापत ९३ करोड ३४ लाख रुपैयाँ कुल भुक्तानी गरेको छ । यस्तै एक हजार २८४ दाबी वापत ६८ करोड ५७ लाख रुपैयाँको दाबी भुक्तानी हुन बाँकी छ ।
यस अवधि सम्म कम्पनीले ३१ हजार ८३७ जारी बीमालेख जारी गरेको छ । जस मध्ये नवीकरण गरिएको बीमालेखको संख्या १५ हजार ९२६ रहेको छ ।
