नेप्सेले सोमबार ग्रामिण विकास लघुवित्तको ५० प्रतिशत हकप्रदपछि शेयर मूल्य समायोजन गरेर सूचना जारी गरेकोपछि नेप्सेको लापरवाही र त्रुटीको खुलासा भएको हो ।
ग्रामिण विकास लघुवित्तले गत साउन २९ गते पचास प्रतिशत हकप्रद जारी गर्न विशेष साधारण सभा बोलाउने निर्णय गरेको थियो । उक्त निर्णय पारित गराउन कम्पनीले अगामी असोज ५ गते विशेष साधारण सभा बोलाएको छ ।
असोज ५ गते डाकेको विशेष साधारण सभाका लागि लघुवित्तले भदौ १८ गतेदेखि सभाको दिनसम्म सेयरधनी किताब बन्द गर्ने सूचना प्रकाशित गरिसकेको छ । तर नेप्सेले साधारणसभा बाट पारित नै नभएको हकप्रदको भदौ १८ गते नै शेयरमूल्य समायोजन गरेर गम्भिर त्रुटी र लापरवाही गरेको छ । यसले लगानीकर्तामा आक्रोश पैदा गरेको छ ।
विशेष साधारणसभा प्रयोजनका लागि गरिएको बुक क्लोजमा शेयरमूल्य समायोजन गरेपछि शेयर बजारका लगानीकर्ता नेप्सेको लापरवाहीप्रति चिन्तित समेत बनेका छन् ।
