गत साउन ३१ गते नेप्से परिसूचक १२१० अंकमा रहेको थियो । त्यसयता परिसूचक घटबढ रहेपनि १० काराेबार दिनमा एक हजार दुई सय माथि उक्लन सकेको थिएन ।
सोमबार सेयर लगानीकर्ताकाहरुले बैंकर्स संघका पदाधिकारीलाई भेट गरि सस्ताे ब्याजदरमा मार्जिन कर्जा उपलब्ध गराउन र सेयर बजारमा समस्या सम्बोधन गर्न पहल गर्न समन्वयकारी भूमिका निभाउन बैंकर्स संघलाई ज्ञापनपत्र बुझाएपछि लगानीकर्तामा आत्मविश्वास थपिँदा पनि बजारले गति लिएको अांकलन गरिएकाे छ ।
दिउँसो एक बज्दासम्म नेप्से परिसूचक १९.३६ अंकले बढेर १२०९.६४ अंकमा पुगेको छ । पछिल्ला दिनमा दैनिक २० करोडको कारोबार हुने बजारमा दुई घण्टा कारोबार समयमा नै २४ करोड रुपैयाँको कारोबार भैसकेको छ । काराेबार रकम बढ्दै गएपछि लगानीकर्तामा उत्साह समेत थपिएकाे छ ।
समाचार तयार पार्दासम्म १४८ कम्पनीका ७ लाख ९ हजार कित्ता सेयर २४ करोड तीन लाख रुपैयाँको बाराबरमा काराेबार भएको छ। कारोबारमा आएका सबै उप समूहको सूचक सकारात्मक रहेका छन् ।
लक्ष्मी बैंकको सेयरमूल्य बढेर सर्किट लागेको छ भने ङादी ग्रुप पावरको सेयरमूल्य सबैभन्दा धेरै
घटेको छ ।
