ब्यबस्थापनमा स्नातकोत्तर शुशिल कुमार शर्मासँग २३ बर्ष नेपाल एस.बि.आई. बैक र ५ बर्ष नेबिल बैंकमा काम गरेको अनुभव रहेको छ । उनी यसअघि एस. बि.आइ. बैकको क्षेत्रिय प्रबन्धकको रुपमा कार्यरत रहेका थिए । शर्मासँग शाखा प्रबन्धक देखि विभागिय प्रमुख तथा क्षेत्रिय प्रबन्धक सम्मको काम गरेको अनुभव रहेको छ ।
त्यसैगरी रामहरि आचार्यसँग एभरेष्ट बैकमा २० बर्ष काम गरेको अनुभव रहेको छ । ब्यबस्थापनमा स्नातकोत्तर गरेका आचार्य यसअघि एभरेष्ट बैंकको प्रबन्धकको रुपमा कार्यरत थिए । उच्च ब्यबस्थापनमा स्थापित वाणिज्य बैंकमा लामो समयसम्म महत्वपुर्ण भुमिकामा रहेका ब्यक्तिहरुको नियुक्तिले ज्योति विकास बैकको लक्ष प्राप्ति यात्रा अझ सहज हुने विश्वास गरिएको छ ।
हाल बैंकले ६० वटा शाखा कार्यालय तथा २० वटा एटीएम मार्फत सेवा उपलव्ध गराउँदै आईरहेको छ भने थप ३० वटा नयाँ शाखा तथा थप २७ स्थानमा एटीएम सञ्चालनमा ल्याउने प्रक्रियामा रहेको छ ।
बैंकले एक लाख ५० हजारभन्दा बढी खाताबाट २० अर्ब रुपैयाँभन्दा बढी निक्षेप संकलन गरी १० हजारभन्दा बढी ऋणी मार्फत १६ अर्ब भन्दा बढी ऋण लगानी गरेको छ ।
बैंकको हालको चुक्तापूँजी रु.२ अर्व ५९ करोड कायम रहेको छ भने हाम्रो विकास बैंकलाई प्राप्ति गर्न नेपाल राष्ट्र बैंकबाट सैद्घान्तिक सहमति प्राप्त गरि प्रक्रिया अगाडि बढाइरहेको छ ।
