माथिल्लो तामाकोशीको आइपिओमा आवेदन गर्ने आज अन्तिम दिन

Sep 06, 2018 Merolagani

माथिल्लो तामाकोशी हाइड्रोपावरले दोलखाबासीलाई निष्काशन गरेको आईपिओ भर्ने आज अन्तिम दिन हो । कम्पनीले यसअघि स्थानीय बासिन्दाको आग्रहमा सेयर भर्ने म्याद बढाएको थियो ।

गत साउन १६ गतेदेखि दोलखावासीका लागि आयोजनाले एक अर्ब पाँच करोड बराबरको १०० रुपैयाँ अंकित दरका एक करोड ५ लाख ९० हजार कित्ता आईपिओ निष्काशन गरेको थियो ।
उक्त आईपिओमा भदौ १ गतेसम्म काठमाण्डौंबाट पनि आवेदन गर्न सकिने सुविधा दिईएको थियो ।

ईच्छुक जिल्लावासीले उक्त आईपिओमा न्यूनतम ३० कित्ता देखि अधिकतम तीन सय कित्तासम्मका लागि आवेदन दिन पाउने व्यवस्था छ ।

माथिल्लो तामाकोसी जलविद्युत आयोजनाको मुख्य कार्यालय गोंगर सहित चरिकोट, सिंगटी, जिरी, मैनापोखरी, किर्ने, गुरुम्फी, मेलुङ र बाघखोरका २६ वटा बैंक शाखाबाट आवेदन दिन सकिन्छ । 

जिल्लाबासीलाई सेयर आवेदन भर्न डिम्याट खाता अनिवार्य गरिएको छैन भने जन्मदर्ता प्रमाणपत्रको आधारमा समेत आवेदन दिन पाउने सुविधा प्रदान गरिएको छ । त्यस्तै दोलखाबासीलाई आयोजनाबाट अतिप्रभावित, कम प्रभावित र प्रभावित गरि तीनवटा सूचीमा वर्गिकरण गरेर आवेदन संकलन गरिएको छ ।

आयोजनाको शेयर निष्काशन तथा बिक्री प्रबन्धकमा नागरिक लगानी कोष र सह बिक्री प्रबन्धकमा सनराइज क्यापिटल रहेका छन् ।

स्थानीयको आईपिओ बाँडफाँड भएपश्चात आयोजनाले सर्वसाधारणका लागि एक करोड ५८ लाख ८५ हजार कित्ता सेयर निष्काशन गर्नेछ । स्थानीय र सर्वसाधारण गरि कम्पनीले कूल २ अर्ब ६४ करोड ७५ लाख रुपैयाँ बराबरको २ करोड ६४ लाख ७५ हजार कित्ता आईपीओ निष्काशन गर्नेछ ।

comments powered by Disqus

एक प्रतिशत बोनस बाँडेर १ रुपैयाँ नै प्रतिशेयर आम्दानी बनाउने बैंक चिन्नुहोस्

Nov 13, 2018

नेपाल स्टक एक्सचेञ्जमा सूचीकृत एउटा विकास बैंकले चालू आर्थिक वर्षको पहिलो त्रैमासमा ९६ लाख ६९ हजार रुपैयाँ खुद नाफा कमाएको छ। बैंकका शेयरधनीको चासोका रुपमा बैंकको त्रैमासिक प्रतिशेयर आम्दानी १ रुपैयाँ ८३ पैसा कायम भएको विषय परेको छ ।