मकालु यातायातको टिकट अब अनलाइनबाट काट्न सकिने

Sep 07, 2018 Merolagani

मकालु यातायातको टिकट अबदेखि अनलाइनबाट काट्न सकिने भएको छ । माउन्ट मकालु यातायात प्रा.लि.ले बससेवा डटकमसँगको सहकार्यमा अनलाइन टिकट काट्न सकिने सेवा सुरू गरेको हो ।

अनलाइन टिकटिङ सेवासँगै अबदेखि पूर्वी नेपालका भद्रपुर, काकारभिट्टा, बुधबारे, ताप्लेजुङ, विराटनगर र जनकपुर लगायतका क्षेत्रमा अनलाइनबाटै टिकट काटेर यात्रा गर्न सकिनेछ । 

अनलाइन टिकटिङ सेवाको औपचारिक सुरूवात कार्यक्रममा माउन्ट मकालु यातायात प्रा.लि.का अध्यक्ष तुलसी मान सिंहले भने ‘ विश्वमा मात्र नभएर नेपालमा पनि अहिले प्रविधिको प्रयोग बढिरहेको छ । हरेक क्षेत्र प्रविधिको प्रयोग गरेर अगाडी बढिरहेका बेला यातायात क्षेत्रलाई पनि प्रविधि मैत्री बनाइ यात्रुलाई सहजता प्रदान गर्नुपर्छ भन्ने उदेश्यले हामीले अनलाइन टिकटिङको सेवा सुरू गरेका हौँ’ ।

कार्यक्रममा बससेवा डटकमका प्रमुख कार्यकारी अधिकृत पि.आर खनालले भने,‘ हामीले नेपालको यातायात क्षेत्रलाई डिजिटलाइज बनाउनुपर्छ भन्ने उदेश्यले करिब चार वर्ष अगाडी बससेवा डटकमको स्थापना गरेका थियौँ । यहि क्रममा पूर्वी नेपालमा उत्कृष्ट र गुणस्तरिय सेवा प्रदान गर्दै आइरहेको मकालु यातायातसँग सहकार्य गर्न पाउँदा हामी निकै खुसी छौँ । यातायात क्षेत्रलाई डिजिटलाइज बनाउने हाम्रो अभियानमा मकालुसँगको सहकार्यले महत्वपूर्ण सहयोग पुग्छ भन्ने हाम्रो विश्वास रहेको छ ’।

यात्रुहरूले माउन्ट मकालु यातायातको आधिकारिक वेभसाइट माउन्ट मकालु डटकम डट एनपी अथवा बससेवाको वेभसाइट बससेवा डटकम बससेवाको मोबाईल एप्सबाट सिधै टिकट काट्न सक्नेछन् । यसैगरी इसेवाको वेभसाइट तथा मोबाईल एप्लिकेशनबाट समेत टिकट काट्न सकिनेछ । इसेवा एकाउन्ट नभएका यात्रुले आफ्नो टोलछिमेकमा रहेका इसेवाका जोन तथा पोइन्टबाट टिकट काट्न सकिनेछ ।

साथै निकट भविष्यमा आइएमइ पे, इप्रभु तथा एनआइसी एसिया बैंकमार्फत् समेत टिकट काट्न सकिनेछ । अनलाइन टिकटिङ सेवाको औपचारिक सुरूवातको अवसरमा माउन्ट मकालु यातायात सेवा प्रा.लि.ले अनलाईन टिकटमा १० प्रतिशत क्यास ब्याकयोजनाको घोषणा गरेको छ । यो योजना असोज ५ गतेसम्म लागु हुने कम्पनीले जनाएको छ ।

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।