आगामी असोज ९ र १० गते नेपालमा अन्तर्राष्ट्रिय बीमा सम्मेलन हुने

Sep 09, 2018 Merolagani

आगामी असोज ९ र १० गते नेपालमा अन्तर्राष्ट्रिय बीमा सम्मेलन हुने भएको छ । विकासशील राष्ट्रका बीमा र पुनर्बीमा कम्पनीहरुको संगठन (एआईआरडीसी) ले आफ्नो २२ औं सम्मेलन नेपालमा गर्ने भएको हो । 

सो बारेमा बीमा समितिले आइतबार पत्रकार सम्मेलन मार्फत विस्तृत जानकारी गराउने भएको छ ।

आगामी असोज ९ र १० गते नेपालमा हुने उक्त सम्मेलनमा बीमा क्षेत्रको नियामक निकायका प्रतिनिधि, विदेशी बीमा विज्ञ, बीमाक्षेत्रसँग सम्बन्धित सरोकारवालाहरु सहभागी हुनेछन् । सम्मेलनमा विदेशी मुलुकबाट करिब २ सय तथा स्वेदेशी गरी पाँच सय बढीको सहभागीता रहने बीमा समितिले जनाएको छ ।

सम्मेलनमार्फत पुनर्बीमा कम्पनीले आफ्नो व्यावसायिक दायरा बढाउन सक्नेछन् । सम्मेलनमा बीमाको वर्तमान समस्या र आगामी चुनौतीबारे पनि छलफल गरिनेछ भने विपद् जोखीम व्यवस्थापन सम्बन्धी विषयलाई सम्मेलनको मुख्य एजेण्डा बनाईएको छ ।

नेपालमा १८ वर्षपछि दोस्रोपटक बीमा सम्बन्धी अन्तर्राष्ट्रिय सम्मेलन हुने भएको हो । यसअघि सन् २००० मा पनि यस्तो सम्मेलन भएको थियो ।

 

नेपालमा भूकम्प, बाढी पहिरोजस्ता प्राकृतिक विपद्ले बर्षेनी ठूलो मात्रामा जनधनको क्षति हुँदै आएको छ । २०७२ सालको भूकम्प र वर्षेनी आउने बाढी तथा पहिरोले आम जनता प्रभावित बनेका छन् भने राष्ट्रले पनि ठूलो दायित्व व्यहोर्दै आउनु परेको छ । नेपालमा यस्ता सम्पत्तिको बीमा हुन सकेको छैन ।

सम्मेलनमा हुने आर्थिक खर्चको व्यवस्थापन बीमा समिति र बीमक संघले गर्ने बताइएको छ । सम्मेलन काठमाडौंस्थित सोल्टी क्राउन प्लाजामा हुने बताइएको छ ।

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।