गरिमाले प्रस्ताव गर्यो लाभांश, कति दिने भयो बोनस र नगद ?

Sep 11, 2018 Merolagani

गरिमा विकास बैंक (GBBL) ले आफ्नो शेयरधनीहरुलाई गत बर्षको कमाईबाट वितरण गर्ने लाभांश प्रस्ताव गरेको छ । बैंकले हाल कायम रहेको चुक्ता पूँजीको कुल १३.७५ प्रतिशत लाभांश वितरण गर्ने प्रस्ताव गरेको छ ।

जस अनुसार बैंकले १० प्रतिशत बोनस शेयर र कर सहित ३.७५ प्रतिशत नगद लाभांश वितरण गर्ने निर्णय गरेको हो । अघिल्लो वर्ष बैंकले १५ प्रतिशत बोनस शेयर वितरण गरेको थियो ।

बैंक सञ्चालक समितिले प्रस्ताव गरेको लाभांस नेपाल राष्ट्र बैंकवाट स्वीकृत भएपश्चात बैंकको साधारण सभाबाट पारित भएपछि शेयरधनीलाई वितरण गरिनेछ ।

बैंकको चुक्ता पूँजी दुई अर्ब ५३ करोड ४८ लाख रुपैयाँ छ । गत बर्ष बैंकले ४३ करोड ७८ लाख खुद नाफा कमाएर प्रतिशेयर आम्दानी १७ रुपैयाँ २७ पैसा कायम गरेको छ । बैंकको प्रतिशेयर नेटवर्थ १२८ रुपैयाँ ६९ पैसा र मूल्य आम्दानी अनुपात १०.५४ गुणा बढी छ ।

 

comments powered by Disqus

माथिल्लो तामाकोशीको शेयर: आईपिओ भर्नेले जिते कि दोस्रो बजारका कारोबारीले ?

Jan 23, 2019

ठूलो संख्यामा सर्वसाधारणमा शेयर निष्काशन गरेको माथिल्लो तामाकोशी जलविद्युत आयोजना (UPPER) को शेयरमा आईपिओ भरेका धेरै लगानीकर्ता अहिले अलमलमा परेका छन्। दोस्रो बजारका कारोबारीहरुको नियन्त्रणमा केहि दिन कम्पनीको शेयर कारोबार हुँदा आईपिओका आवेदक भने अलमलमा परेका हुन् ।